«VKontakte» men Telegram messendjerınıŋ negızın qalauşy Pavel Durov Almaty oblysyndaǧy Kölsaiǧa şomylyp, erejenı būzǧan, dep habarlaidy "Adyrna" ūlttyq portaly Tengri Life-qa sıltep.
Käsıpker suǧa tüsken sätınıŋ videosyn öz Telegram-arnasyndaǧy storiste jariialap, «Keremet jüzdım» degen qysqa jazba qaldyrǧan.
Alaida keibır jelı qoldanuşylary Kölsaiǧa şomyluǧa bola ma, älde būl erejenı būzu bolyp sanala ma degen sūraq qoidy. Ūlttyq park erejesıne säikes, turisterge tek arnaiy belgılengen aimaqtarda ǧana suǧa tüsuge rūqsat etıledı. Basqa jerlerde nemese suyq mezgılde şomylu – belgılengen talaptardy būzu bolyp esepteledı.
Ūlttyq parktıŋ tabiǧi keşenderdı qorǧau jäne qalpyna keltıru bölımı kölde şomylu äkımşılık qūqyqbūzuşylyq bolyp sanalatynyn habarlady.
"Kölsai kölderınde şomylu turistık marşruttyŋ tölqūjatyna säikes qataŋ türde tyiym salynǧan. Osy jaǧdaiǧa bailanysty park basşylyǧy qyzmettık tekserıs bastady. Onyŋ qorytyndysy boiynşa tiıstı baqylaudy qamtamasyz etpegen jauapty qyzmetkerlerge tärtıptık şaralar qoldanylady", - delıngen " resmi habarlamada.
Belgılengen erejenı būzǧandar üşın 10 ailyq eseptık körsetkış kölemınde aiyppūl salynady. 2025 jyly būl soma 39 320 teŋgenı qūraidy.
Kölsai kölderı — Almaty oblysyndaǧy Ile Alatauy jotasynda, teŋız deŋgeiınen 1 800–2 500 metr biıktıkte ornalasqan üş äsem tau kölı. Mūndaǧy su öte möldır ärı salqyn: tıptı jazda da temperaturasy 15 gradustan aspaidy.
Aita keteiık, Pavel Durov Qazaqstanǧa Digital Bridge 2025 forumyna qatysu üşın kelgen. Sondai-aq, ol forumnan tys Prezident Toqaevpen de jüzdesıp, qabyldauynda boldy.
