Almatylyq "Qairat" Chempiondar ligasynyŋ jalpy kezeŋındegı alǧaşqy kezdesuın Lissabonda ötkızdı. Qarsylas — Portugaliianyŋ ataqty "Sporting" kluby. Oiyn "Joze Alvalade" arenasynda ötıp, alaŋ ielerı aiqyn basymdyq körsettı, dep habarlaiy “Adyrna”.
24-minutta "Sporting" penalti soǧu mümkındıgıne ie bolǧan edı, bıraq qaqpaşy Şerhan Qalmyrza öz komandasyn qūtqaryp, Morten Iýlmannyŋ soqqysyn qaitardy. Degenmen taim soŋyna qarai Fransişku Trinkan qaşyqtan soqqy jasap esep aşty.
Üzılısten keiın qazaqstandyq klub bırneşe qauıptı şabuyl ūiymdastyrdy. Erkın Tapalov pen Dastan Sätpaevtyŋ soqqylary golǧa ainalmai qaldy, al Jorjino qaqpaşymen betpe-bet şyqqan sätın paidalana almady. Būl qatelıkter almatylyq komanda üşın qymbatqa tüstı: Trinkan dubl jasap, araǧa ekı minut salyp Alisson Santos pen Djovani Kenda taǧy ekı gol qosty. Al Chempiondar ligasynyŋ toptyq kezeŋındegı almatylyq komandanyŋ alǧaşqy golyn 86-minutta Edmilson soqty.
Qorytyndy esep — 4:1. "Qairat" Chempiondar ligasyn jeŋılıspen bastady.
Almatylyqtar endı 30 qyrküiekte öz alaŋynda Madridtıŋ "Realyna" qarsy oinaidy.
