Äskerde mügedek bolyp qalǧan merzımdı äskeri qyzmetşı Erbaian Mūhtar arnaiy ūşaqpen Stambulǧa emdeluge jöneltıldı, dep habarlaidy “Adyrna” ūlttyq portaly Orda.kz-ke sılteme jasap.
Densaulyq saqtau ministrlıgınıŋ mälımetınşe, şetelge jıberu turaly şeşımdı arnaiy komissiia qabyldaǧan. Türkiiada Erbaianǧa neiromoduliatorlyq terapiia jäne qoldauşy emdeu kursy jürgızıledı.
«Erbaian būǧan deiın Almaty men Astananyŋ auruhanalarynda emdelgen, sondai-aq 2024 jylǧy tamyzdan 2025 jylǧy qaŋtarǧa deiın Türkiiada bolǧan. Qaityp kelgennen keiın Qazaqstandaǧy därıgerlerdıŋ baqylauynda bolǧan», — dep habarlady Densaulyq saqtau ministrlıgınde.
Türkiiaǧa jetkızu IIM därıgerlerınıŋ baqylauymen jürgızıldı, nauqastyŋ jaǧdaiy tūraqty. Ol traheostoma arqyly dem alady.
Erbaian 2023 jyldyŋ soŋynda äskerde bas miyna zaqym kelgennen keiın komaǧa tüsken. Otbasy onyŋ soqqyǧa jyǧylǧanyn aitady, al äskeri bölım ony tūrmystyq oqiǧa dep ataǧan.
