Äzerbaijan ärqaşan serıktesterımen tūraqty ärı senımdı qarym-qatynastar ornatuǧa ūmtylady. Būl turaly Milli mäjılıs deputaty Soltan Mamedov APA agenttıgıne bergen sūhbatynda aitty, dep habarlaidy «Adyrna» tılşısı.
Ol keibır memlekettıŋ osy ūstanymdardy ūstanuǧa müddelı emes ekenın mälımdedı. Aituynşa, Reseide Äzerbaijanǧa qarsy bastalǧan nauqandy däl osy tūrǧydan qarastyru qajet.
Mamedov Resei memlekettık dumasynyŋ deputaty Konstantin Zatulinnıŋ Äzerbaijanǧa baǧyttalǧan mälımdemelerıne pıkır bıldıre otyryp, köptegen reseilık saiasatker men deputattardyŋ bırjaqty ärı negızsız pıkırlerı senımdı qalpyna keltıruge ziianyn tigızetının atap öttı. Būǧan deiın Zatulin Bakudıŋ būl şeşımın «vandalizmnıŋ aiqyn mysaly» dep ataǧan bolatyn.
«Zatulinnıŋ jalǧyz maqsaty – Äzerbaijan turaly jaǧymsyz pıkır qalyptastyru. Sol sebeptı ol elımızdı türlı joldarmen synauǧa tyrysuda. Ärine, bız odan ädıl ärı beitarap közqaras kütıp otyrǧan joqpyz. Äzerbaijan qoǧamy ondai aŋqau emes. Alaida bız öz jerımızde kez kelgen mäsele boiynşa egemen şeşım qabyldauǧa tolyq qūqylymyz jäne būl qūqyqty ärkım qūrmetteuı tiıs. Aivazovskiidıŋ eskertkışı Äzerbaijan ükımetı nemese tiıstı memlekettık organdardyŋ şeşımımen ornatylmaǧan, sondyqtan onyŋ alynuyn zaŋsyz ärekettı joiu retınde qabyldau qajet», — dedı Mamedov.
Äzerbaijan Milli mäjılısınıŋ deputaty, saiasattanuşy Rasim Musabekov te Zatulinnıŋ mälımdemesıne pıkır bıldırıp, onyŋ postkeŋestık keŋıstıktegı dauly bedelın eske saldy.
«Zatulin öz qyzmetın sonşalyqty “sättı” atqaryp jür. Qazır ol TMD elderınıŋ köbıne, tıptı Armeniiaǧa da kıre almaidy. Būl saiasatkerdı Äzerbaijanda postkeŋestık keŋıstıktegı separatizmdı qoldauşy, arandatuşy retınde jaqsy tanidy. Ol būǧan deiın Qarabaqqa bırneşe ret zaŋsyz kırgen, bıraq sol kezde qorlanǧan äzerbaijan meşıtterın, bülıngen tarihi mūramyzdy, sondai-aq Şuşada ornalasqan ataqty tūlǧalar — Hurşidbanu Natavan, Biul-Biul jäne basqa da mädeniet qairatkerlerınıŋ atqylanǧan eskertkışterın körmegendei keiıp tanytty. Sondyqtan, Zatulin, Aivazovskiidıŋ esımın öz maqsatyŋa paidalanba. Onyŋ ruhy senıŋ qorǧanyŋa mūqtaj emes»,—dedı saiasattanuşy.
Resei prezidentınıŋ halyqaralyq mädeni yntymaqtastyq jönındegı arnaiy ökılı Mihail Şvydkoi da İvan Aivazovskiidıŋ biustınıŋ alynuyna qarsylyq tanytqan edı.
Äzerbaijan Syrtqy ıster ministrlıgınıŋ baspasöz hatşysy Aihan Gadjizade jergılıktı BAQ-qa bergen pıkırınde saiasatkerdıŋ «tiıstı nūsqaulyq boiynşa antiäzerbaijandyq nauqanǧa alǧaş ret qatysyp otyrmaǧanyn» ekenın eske saldy.
«Şvydkoidyŋ Äzerbaijanda orys mädenietı “joiylyp jatyr” degen mälımdemesı – taǧy bır jalǧan aqparat. Būl salada ekı el arasynda aiqyn teŋsızdık bolǧanyna qaramastan, Äzerbaijanda orys mädenietın eşkım joqqa şyǧarǧan emes. Mysaly elımızde orys teatry jūmys ısteidı, orys tılınde bılım beretın mektepter, basylymdar bar. Al Reseide äzerbaijan tılınde ne teatr, ne mektep, ne gazet-jurnal joq. Soǧan qaramastan, bız Reseide «äzerbaijan mädenietın joiylyp jatyr» degen mälımdemeler jasamaimyz.Reseidıŋ joǧary lauazymdy tūlǧalary olardyŋ antiäzerbaijandyq äreketterı men mälımdemelerı jalǧasa berse, Äzerbaijan men Resei arasyndaǧy osy teŋsızdık qaita qaraluy äbden mümkın ekenın tüsınuı kerek»,–dedı ol.
Eske salaiyq, Äzerbaijan bilıgı Stepanakert qalasynda (Hankendi) orys suretşısı İvan Aivazovskiige ornatylǧan eskertkıştı alyp tastaǧan bolatyn.
