Tiktok jelısınde belgılı akter, "Şanşar" teatrynyŋ direktory Uälibek Äbdıraiymovtyŋ jol apatynan qaza tapqany turaly aqparat tarap, köpşılıktı dürlıktırdı, dep habarlaidy "Adyrna" ūlttyq portaly.
Alaida ärtıstıŋ özı aqparattyŋ jalǧan ekenın resmi türde mälımdedı.
Jelıde taraǧan habarlamada Uälibek Äbdıraiymovtyŋ Şymkentte jol apatyna tüsıp, köz jūmǧany, sondai-aq onyŋ qylmysqa qatysy bar degen mälımet te jazylǧan. Aqparatta "Qazaq önerı qara jamyldy" degen auyr sözder men jalǧan kuägerlerdıŋ attary atalǧan.
Alaida Uälibek Äbdıraiymov jelıdegı jeke paraqşasynda aqparattyŋ jalǧany ekenın aityp, özı aman-esen ekenın jetkızdı.
«Efirge şyqpasam bolmady. Men Batys Europada jürsem, bıreu menı öltırıp qoiypty. Janazamdy, jetımımdı aitpaǧandaryna ökpeledım. Qazır Germaniiadan keldım. Özım de şoşyp kettım: tırımın be, älde ölgenmın be dep», – dep äzıl aralas jauap berdı akter.
Sondai-aq, ärtıs jelıdegı paraqşasyna beine jüktep, özınıŋ saparda ekenın körsetken.
Jelı jūrty da "Aman bolyŋyz", "jalǧan aqpar taratqandarǧa jaza bar", "ötırık aituǧa bolmaidy ǧoi", "nege adamdar ölım tıleuge daiyn tūrady" degen syndy san-aluan pıkır qaldyrǧan.
