Qazaqstandyq opera änşısı Äigerım Altynbek XI Halyqaralyq CLIP 2025 opera baiqauynda jeŋıske jettı. Önerpaz bırınşı orynnan bölek, baiqaudyŋ negızgı nominasiialarynda üzdık atanyp, absoliuttı jeŋımpaz boldy. Būl turaly bügın, 28 şıldede Mädeniet jäne aqparat ministrlıgınıŋ baspasöz qyzmetı jazdy, dep habarlaidy «Adyrna» tılşısı.
Sondai-aq otandasymyz körermen közaiymy jüldesın, «Üzdık äiel dauysy» marapatyn jäne muzyka synşysy, art-direktor ärı pedagog Karlo Maierdyŋ arnaiy jüldesın ielendı.
Būl – el mädenietındegı tarihi jeŋıs. Baiqauda alǧaş ret Ortalyq Aziia ökılı osyndai jetıstıkke jetıp, köşbasşylar qatarynan körındı.
«Baiqau tarihynda bırınşı ret Äigerım Altynbek saiystyŋ basynan barlyq qazylar alqasynyŋ reitingınde bırınşı tūrdy. Būl – öte sirek kezdesetın jaǧdai. Būl körermennıŋ de taŋdauy dūrys bolǧanyn däleldeidı», – dedı qazylar alqasynyŋ töraǧasy Dominik Meier.
Biylǧy baiqauǧa älemnıŋ tükpır-tükpırınen 200-ge juyq ötınım tüsken. Bıraq finalǧa nebärı 10 oryndauşy öttı. Olar Portofino qalasynyŋ ortalyq alaŋynda Teatro Carlo Felice orkestrınıŋ süiemeldeuımen ötken gala-konsertte öner körsettı.
«Üzdık äiel dauysy» jüldesın Äigerımge Chilidegı İbanes-Atkinson qory tabystady. Būl qor – älem boiynşa jas, daryndy vokalisterdı ızdep, qoldaumen ainalysatyn halyqaralyq ūiym. Qor jetekşı teatrlarmen ärıptestık ornatqan jäne Santiagodaǧy opera teatrymen bırlesken jastar baǧdarlamasyn jüzege asyrady.
Äigerım – būl qordyŋ Oŋtüstık Amerika kontinentındegı qoldauyna ie bolǧan alǧaşqy europalyq emes änşı. Oǧan käsıbi jäne bolaşaq yntymaqtastyq boiynşa ūsynys jasaldy. Būl ūsynys otandyq önerpazǧa Europadan tys jerlerde de halyqaralyq mansabyn keŋeituge mümkındık beredı.
Eske sala keteiık, Concorso Lirico Internazionale di Portofino (CLIP) – jyl saiyn İtaliianyŋ Portofino qalasynda ötetın, älemdegı eŋ bedeldı vokaldyq baiqaulardyŋ bırı. Konkurstyŋ qazylar alqasy qūramynda Europanyŋ jetekşı opera teatrlary Vena operasy, La Skala, Glaindborn, Metropoliten jäne Elisei alaŋyndaǧy teatrdyŋ rejisserlerı men direktorlary bar.
