2025 jyldyŋ 9 şıldesınde tabiǧaty tamaşa Burabaida şetelde tūratyn etnikalyq qazaq balalaryna arnalǧan «Jas Qazaq» jazǧy tanymdyq etno-lagerınıŋ resmi aşylu saltanaty öttı.
Is-şarany Qazaqstan Respublikasy Syrtqy ıster ministrlıgıne qarasty «Otandastar qory» ūiymdastyrdy.
Lager IQanat High School of Burabay bazasynda ötıp jatyr. Būl — tek demalys emes, tarihi Otanyna alǧaş ret kelgen balalar üşın erekşe ruhani täjıribe.
Lagerge AQŞ, Türkiia, Polşa, Özbekstan, Moŋǧoliia, Qytai, Resei, Qyrǧyzstan, BAÄ sekıldı 10-nan astam elden kelgen 130-ǧa juyq etnikalyq qazaq balasy qatysyp otyr. Olar — türlı bılım jäne şyǧarmaşylyq baiqaularda üzdık tanylǧan daryndy jastar.
«Jas Qazaq» lagerı biyl besınşı ret ötkızılıp otyr. Būǧan deiıngı mausymdarda 700-den astam şeteldegı qazaq balalary qatysqan. Keibırı keiın Atajūrtyna köşıp kelıp, elımızdıŋ joǧary oqu oryndarynda bılım aludy taŋdaǧan.
Tanym men tärbie qatar jüretın baǧdarlama
7–20 şılde aralyǧynda ötetın lagerdıŋ baǧdarlamasy mazmūndy ärı tärbielık mänge toly. Lager qatysuşylary qazaq tılı men Qazaqstan tarihy sabaqtaryna qatysady; kiız üi qūru, atqa mınu, ūlttyq oiyndar, dombyra tartu syndy dästürlı täjıribelerdı meŋgeredı; JOO-lar ūiymdastyrǧan bılım körmesıne qatysyp, bolaşaq bılım jolyn josparlauǧa mümkındık alady; Türlı elderden kelgen zamandastarymen tıl tabysyp, dostyq ornatady.
Lager qatysuşylarynyŋ jüzınen quanyş, sözınen şynaiy tolqynys baiqalady. Bırneşe bala öz äserımen bölıstı:
Baimūrat Iliias, Türkiia:
«Lagerde ışıŋ pyspaidy. Künı boiy türlı ıs-şara ötedı. Qazaq tılı men tarihyn üirenıp, tılımdı damytyp jatyrmyn».
Qalybekova Maqbira, Özbekstan:
«Qazaqstannyŋ tabiǧaty öte ädemı. Osynda tūru – menıŋ armanym».
Nūrbanu Serık, Polşa:
«Mektep öte taza ärı zamanaui. Mūndaǧy balalarmen tez tıl tabysyp kettım. Qazaqstan tarihy sabaǧy qyzyqty öttı. Aldaǧy ekı aptada ömırlık dostar tauyp, ūmytylmas estelıkter jinaǧym keledı».
Abdukasimova Ūlbanu, Özbekstan:
«Polşadan, Moŋǧoliiadan kelgen dostarymmen qyzyqty oiyndar oinaimyz. Künımız öte qyzyqty ötude. Būl jerde jürgen maǧan qatty ūnaidy».
«Jas Qazaq» lagerı – tek tanymdyq joba ǧana emes, ūlttyq bolmys pen tılge degen süiıspenşılıktı oiatatyn platforma. Būl – şetelde tuyp-ösken qazaq balalarynyŋ öz tamyryn tereŋırek tanuyna berılgen ülken mümkındık.
Ūiymdastyruşylardyŋ aituynşa, qatysuşylardyŋ köbı Atajūrtymen bailanysyn üzbei, bolaşaǧyn Qazaqstanmen bailanystyruǧa qyzyǧuşylyq tanytady. Jobanyŋ basty maqsaty – qazaq balasynyŋ boiyndaǧy ūlttyq sana men ruhty saqtau.
