Qylmystyq top basşysy “Dikii Arman” laqap atymen belgılı Arman Jūmageldievtıŋ sybailasy Bırıkken Arab Ämırlıkterınen ekstradisiialandy. Būl turaly Bas prokuratura mälımdedı, dep habarlaidy “Adyrna”.
«Bas prokuratura men ışkı ıster ministrlıgı Dubai qalasynan Arman Jūmageldievtıŋ qylmystyq tobynyŋ sybailasy ekstradisiialady. Ol 2022 jylǧy 5-7 qaŋtar aralyǧynda Almaty qalasynda Jūmageldievtıŋ bandalyq qūramynda jappai tärtıpsızdıkterge belsene qatysqan degen küdıkke ılındı», – delıngen aqparatta.
Qylmys jasalǧannan keiın küdıktı jasyrynǧan jäne şamamen 3 jyl boiy halyqaralyq ızdeude bolǧan. Keiınnen Bırıkken Arab Ämırlıkterı aumaǧynda ūstalǧan.
Qazır küdıktı Astana qalasyndaǧy tergeu izoliatoryna qamaldy. Oǧan taǧylǧan aiyptar boiynşa 10 jyldan 15 jylǧa deiın bas bostandyǧynan aiyru jäne mülkın tärkıleu jazasy közdelgen.
Aita keteiık, Arman Jūmageldiev 2022 jyly Qaŋtar oqiǧasy kezınde «bır top adamdy ūryp-soǧyp, küştep ūstaǧan» degen küdıkke ılıngen. Būl ıske Jūmageldievten bölek, 43 adamnyŋ qatysy bolǧan. Olardyŋ qatarynda Mahatov qylmystyq tobynyŋ müşesı sanalatyn käsıpker Qairat Qūdaibergen men Ūlttyq qauıpsızdık komitetınıŋ besınşı departamentınıŋ eks-bastyǧy Ruslan Ysqaqov bar.
Almaty qalalyq mamandandyrylǧan audanaralyq qylmystyq soty Jūmageldievtı 20 jylǧa bas bostandyǧynan aiyrǧan bolatyn.
