Jambyl oblysynda Baizaq audanynyŋ jedel järdem feldşerı oq jaraqatyn aldy, dep habarlaidy «Adyrna» tılşısı.
Centralmedia24 mälımetınşe, oqiǧa 10 şılde künı bolǧan. Baizaq auylynyŋ 25 jastaǧy tūrǧyny 27 jastaǧy feldşer tanysynyŋ jūmys ornyna kelgen. Ol feldşerden defibrilliatordyŋ qalai jūmys ısteitının körsetudı sūraǧan. Alaida feldşer būl qūrylǧyny qoldanuǧa bolmaitynyn, onyŋ qauıptı ekenın tüsındırgen. Osydan keiın ekeuınıŋ arasynda janjal tuyndap, auyl tūrǧyny medisinalyq qyzmetkerge travmatikalyq qarudan oq atqan.
Oblystyq densaulyq saqtau basqarmasy jaralanǧan adamnyŋ jaǧdaiy tūraqty ekenın jetkızdı.
«Nauqastyŋ diagnozy – sol jaq keudenıŋ aldyŋǧy qabyrǧasyna tigen oq jaraqaty. Işkı aǧzalary zaqymdanbaǧan. Jaǧdaiy tūraqty, ortaşa auyr. Qazır pasient dinamikalyq baqylauda», — dedı basqarmanyŋ baspasöz qyzmetı.
Jambyl oblystyq polisiia departamentı būl jaitqa bailanysty QR Qylmystyq kodeksınıŋ 293-babynyŋ 3-bölıgı (Qarudy qoldanu arqyly jasalǧan būzaqylyq) boiynşa qylmystyq ıs tırkelgenın habarlady.
