AQŞ-tyŋ Tehas ştatynda oryn alǧan joiqyn su tasqyny saldarynan qaza tapqandar sany 50 adamǧa juyqtady, dep habarlaidy “Adyrna” ūlttyq portaly.
Kerr okrugınde 43 adamnyŋ mäiıtı tabylǧan, olardyŋ 28-ı eresek, 15-ı – balalar. Būl turaly 5 şılde künı keşkısın ötken baspasöz mäslihatynda öŋırlık şerif Larri Leita mälımdedı.
Sonymen qatar, Bernet okrugınde – 3, al Trevis okrugınde – 4 adam qaitys bolǧany rastaldy.
27 qyz bala ız-tüzsız joǧalǧan, al keibır qaza tapqan azamattardyŋ tūlǧasy älı anyqtalǧan joq. Qūtqaru jūmystaryna 500-ge juyq maman men 14 tıkūşaq, sondai-aq Tehas Ūlttyq gvardiiasy men AQŞ jaǧalau küzetı jūmyldyrylǧan.
Tabiǧi apat kezınde Guadalupe özenınıŋ jaǧasynda ornalasqan jazǧy lagerde demalyp jatqan 750-ge juyq qyzdyŋ köbı qūtqarylǧan, al lager qyzmetkerlerın qosqanda 850 adam qauıpsız jerge evakuasiialanǧan.
Su deŋgeiı nebärı 45 minut ışınde 8 metrge köterılgen. Kuägerlerdıŋ aituynşa, tasqyn su aǧaştardyŋ ūşar basyna deiın jetken, al lager ashanasynyŋ bır qabyrǧasyn tügeldei qiratyp ketken.
Oqiǧadan keiın Donald Tramptyŋ äkımşılıgı synǧa ūşyrady. Ǧalymdar men tötenşe jaǧdailar mamandary prezidenttı NOAA (AQŞ-tyŋ aua raiy men tabiǧi apattarǧa jauapty basqarmasy) qyzmetkerlerı men qarjysyn qysqartqany üşın aiyptady. Sondai-aq, Tramp klimattyŋ özgeruıne qatysty ǧylymi derekterdı joqqa şyǧarǧan bolatyn.
Täuelsızdık künıne tura kelgen būl apattyŋ sebebı retınde tolassyz jaŋbyr ataldy. Kerr okrugınde jauyn-şaşyn mölşerı bır şarşy metrge 300 litrge jetken, būl – jyldyq normanyŋ üşten bır bölıgıne teŋ.
Ūlttyq meteorologiialyq qyzmet (NWS) aldaǧy künderı öŋırde taǧy da qatty jauyn men jergılıktı deŋgeidegı apattyq su tasqyndary boluy mümkın ekenın eskertude. Jaŋa tasqyndar bastalyp ketken. Tūrǧyndarǧa biık jerge köşu jäne jedel äreket etu ūsynylǧan.
