Eki jańa mınıstrlikti jasaqtaý jumystary aıaqtalyp qaldy. Bul týraly Ǵylym jáne joǵary bilim mınıstri Saıasat Nurbek óziniń Feısbýk paraqshasynda jazdy, dep habarlaıdy "Adyrna" ulttyq portaly.
"Eki jańa mınıstrlikti jasaqtaý jumystary aıaqtalyp qaldy. Árıne bir mekemeni ekige bólý zańdyq turǵydan da, adamgershilik jaǵynan da ońaı sharýa emes. Memlekettik organdy jańadan qurýdy aıtpaǵanda, keıde tipti shaǵyn bólimsheniń mindetterin bólýdiń ózi qıynǵa soǵady. Uzaq jyldar boıy bir kabınette, bir ústel basynda jumys istep otyrǵan mamandarymyz osy kúnderi eki jaqqa qatar qyzmet etýge májbúr. Ashat Aımaǵambetov basqarǵan burynǵy Bilim jáne ǵylym mınıstrliginiń ujymy joǵarǵy bilim berý júıesin reformalaý, ǵalymdardy daıarlaý, ǵylymdy damytý baǵytynda úlken jumys atqardy", dedi Saıasat Nurbek.
Atap aıtsaq, joǵarǵy oqý oryndary men ǵylymı ınstıtýttar akademııalyq erkindik aldy, derbes basqarý tetigine ıe boldy.
Bul – zamanaýı ýnıversıtet qurý, ǵylymı ınfrastrýktýrany qalyptastyrý jáne ǵalymdar men shákirtterge jaıly jaǵdaı jasaýdyń negizi ekeni belgili. Bizdiń qazirgi mindetimiz - Bilim jáne ǵylym mınıstrligi bastap ketken reformalardy odan ári jalǵastyrý, bul salada tyń ózgerister engizý. Bul isterdi elimizdegi ǵylym men joǵary bilimdi modernızaııalaýdyń bastaýynda turǵan mamandar jalǵastyratyny bizdi qýantady. Biz memlekettik mańyzy bar ortaq jumysty atqaryp jatyrmyz. Óıtkeni kásibı deńgeıi joǵary maman men zertteýshiniń negizi bala kúninen qalyptasady",- dedi mınıstr.
Sondyqtan, birlese áreket etip, tulǵanyń qalyptasýy úshin ár kezeńde sapaly bilim berýdi qamtamasyz etýimiz kerek.
"Óz shákirtteriniń jetken jetistigine mektep muǵalimi de, joǵarǵy oqý ornynyń oqytýshysy da marqaıyp, maqtan tutatyny zańdy dep oılaımyn. Aldaǵy ýaqytta Oqý-aǵartý mınıstrligi men Ǵylym jəne joǵarǵy bilim mınıstrliginiń qalyptasýyna atsalysyp, bar kúsh-jigeri men qajyr-qaıratyn, altyn ýaqytyn sarp etkender osy kúnderi atqarylǵan jumystardy zor maqtanyshpen eske alatynyna senimdimin. Osy oraıda Memleket basshysyna, Úkimet músheleri men Parlament depýtattaryna bizge senim artyp, jańa mınıstrlikterdi qurýǵa qoldaý bildirgeni úshin alǵysymdy aıtqym keledi. Sizderdiń keńesterińiz, usynystaryńyz ben kómekterińizdiń arqasynda bul jumysty oıdaǵydaı atqaratynymyz aıqyn. «Birlese kótergen júk jeńil» demekshi, tize qosa eńbek etkende ǵana Prezıdenttiń tapsyrmasyn abyroımen oryndap, ultymyzdyń ál-aýqatyn arttyratynymyzǵa bek senimdimin",- dep jazdy Saıasat Nurbek.
"Adyrna" ulttyq portaly
