Qazaqstandyq opera änşısı Äigerım Altynbek älemdegı eŋ bedeldı opera önerı oqu oryndarynyŋ bırı – «La Skala» teatry akademiiasynda taǧylymdamadan ötedı.
Beinejazba arqyly ötken aldyn ala ırıkteuge 400-den astam ümıtker qatysqan. Olardyŋ ışınen 12 üzdık oryndauşy taŋdalyp alyndy. Solardyŋ qatarynda Qazaqstannyŋ atynan qatysqan Äigerım Altynbek te bar.
Opera änşısı Äigerım Altynbek – köptegen halyqaralyq vokaldyq baiqaulardyŋ laureaty.
Ol tanymal kompozitor Djakomo Puchchinidıŋ 100 jyldyǧyna orai ūiymdastyrylǧan halyqaralyq opera änşılerı baiqauynda jeŋımpaz atandy.
Sonymen qatar İtaliianyŋ Modena qalasynda ötken Nikolai Giaurov atyndaǧy opera änşılerınıŋ halyqaralyq baiqauynda üşınşı oryndy ielendı. Qazaqstandyq änşı ataqty italiialyq opera änşısı Mirella Frenidıŋ arnaiy syilyǧyn aldy. Älemnıŋ 470 qatysuşysy qatysqan Renata Tebaldi atyndaǧy halyqaralyq vokal konkursynda önerpaz ekınşı orynǧa ie boldy.
25 mausymda älemge äigılı Hose Karrerastyŋ konsertı ötedı. Osy keşte Äigerım Altynbek te boi körsetedı. Konsertte älemdık opera ariialar şyrqalyp, tanymal duetter öner körsetedı.
27–28 mausymynda İtaliianyŋ Neapol qalasynda Andrea Bochellidıŋ mereitoilyq konsertıne qatysyp, aty aŋyzǧa ainalǧan tenormen bır sahnada än şyrqaidy.
Būl jetıstık – onyŋ bılımge degen ūmtylysy men käsıbi şeberlıgınıŋ jemısı. Sonymen qatar memlekettıŋ jas talanttardy qoldauǧa baǧyttalǧan auqymdy jūmysynyŋ nätijesı.
