Astanada Qazaqstan polisiiasy künıne orai küş körsetılımı öttı. Polisiia podpolkovnigı Bauyrjan Kamaliev salmaǧy 24 tonna bolatyn Terrex Barys 8×8 amfibiialyq brondy äskeri tehnikany ornynan qozǧap, älemdık rekord ornatty.
Rekordty GLOBAL BOOK of RECORDS (GBR) ūiymynyŋ bas tırkeuşı ofiserı Quandyq Qūdaibergenov resmi türde tırkedı.
Būl – auyr atlet Bauyrjan Kamalievtıŋ altynşy ret älemdık rekord ornatuy. Ol būǧan deiın ūşaq, temırjol vagony, lokomotiv, tıkūşaq, tıptı qos djiptı süirep rekord ornatqan. Sondai-aq, on jasynan sportty janyna serık etken ol otyz jyldyq qajymas eŋbegınıŋ arqasynda elımızdıŋ pauerliftingten sport şeberı, älem kubogynyŋ jüldegerı atanǧan.
«Men būl rekordty boryşyn atqaryp jürgen barlyq polisiia qyzmetkerlerıne arnaimyn. Būl – jai ǧana temır tartu emes. Basty maqsat – qazaqtyŋ qara küşın, ruhyn, erlıgın nasihattau. Jastarǧa ülgı bolyp, «Osy kısı ıstese, men de ıstei alamyn» degen senım ūialatqym keledı. Erlık, halyqqa qyzmet etu, tärtıp – bız nasihattap jürgen basty qūndylyqtar. Bız jastardy sportqa, ruhani jäne fizikalyq damuǧa bauluǧa tiıspız. Būl ıs-şara – däl soǧan baǧyttalǧan. Qazaqtyŋ jastary namysty, ruhty bolsyn», – dedı Bauyrjan Kamaliev.
Bauyrjan Kamaliev Terrex Barys 8×8 amfibiialyq brondy äskeri tehnikasynyŋ qūrylymy kürdelı bolǧandyqtan, ony tartu oŋai bolmaǧanyn aitty.
«Būl tehnikada 6 jetek bar, är jetek şamamen 6 tonnadan asady. Salmaǧy men qūrylymy ony öte auyr etedı. Men ony 10 metrge süiredım. Küş negızınen aiaqqa, qolǧa jäne belge tüsedı. Qolym ısıp kettı, bıraq bar küşımdı saldym», – deidı ol.
GBR ūiymynyŋ bas tırkeuşı ofiserı Quandyq Qūdaibergenov Bauyrjan Kamalievke arnaiy sertifikat tabystady.
«Būl – salmaǧy 24 tonna bolatyn, 4 reduktorly auyr äskeri tehnika. Mūndai tehnika – erekşe qūrylymǧa ie jäne joǧary qauıpsızdık deŋgeiındegı jabyq, rejimdı nysandarda saqtalady. Sondyqtan ony tartu oŋai şarua emes – arnaiy rūqsatty talap etedı», – dedı ol.
Sonymen qatar, ol Bauyrjan Kamalievtı 2025 jylǧy jeltoqsanda ötetın GLOBAL BOOK of RECORDS halyqaralyq tanystyrylymyna şaqyrdy.
«Eŋ aldymen, Işkı ıster ministrlıgıne jäne tehnika ūsynyp, qoldau körsetken zauyt basşylyǧyna alǧysymdy bıldıremın. Sondai-aq Quandyq Şyŋǧysūlyna erekşe rizaşylyǧymdy aitamyn. Qazaqstan polisiiasy künı-tünı elımızdıŋ tynyştyǧy üşın tynymsyz, adal eŋbek etude. Barşa polisiia qyzmetkerlerın käsıbi merekelerımen qūttyqtaimyn. Qazaq elı aman bolsyn», – dep rizaşylyǧyn bıldırdı.
