Qazaqstanda bırınşı AES qūrylysy şamamen 2035-2036 jyly aiaqtalady dep josparlanyp otyr. Būl turaly Atom energiiasy agenttıgınıŋ baspasöz qyzmetı aitty, dep habarlaidy «Adyrna» tılşısı.
«Älemdık täjıribe körsetkendei, atom elektr stansiiasyn jobalau, salu jäne paidalanuǧa beru üderısı orta eseppen 10–12 jylǧa sozylady. Osyǧan säikes, qūrylystyŋ boljamdy aiaqtalu merzımı – 2035–2036 jyldar. «Rosatom» memlekettık korporasiiasy būl josparlarǧa säikestıgın rastap otyr»,– delıngen habarlamada.
Jobanyŋ naqty qūny äzırge belgısız.
Aita keteiık, 14 mausymda Qazaqstandaǧy alǧaşqy atom elektr stansiiasyn salu jönındegı halyqaralyq konsorsiumnyŋ köşbasşysy retınde «Rosatom» taŋdalǧany belgılı bolǧan edı.
