«Tūǧyry biık Tarbaǧatai» atty öner jäne sport festivalınde köpten aitystan körınbei ketken Rinat Zaitov soŋǧy uaqytta elımızde bolǧan özgerıster turaly ban şyndyqty jaiyp saldy, dep habarlaidy “Adyrna” ūlttyq portaly.
Qarsylasy Bırjan Baituov ta qalysar emes.
“Ai, Rinat, şyŋǧa bıtken şynarsyŋdar,
Kei kezde köz bailaityn tūmansyŋdar
“Nūr Otandy” aittyŋ-au, basqasyn da,
Nege sonşa bızdı äkep sūǧarsyŋdar.
Men ersem, öz patşamnyŋ soŋyna erdım,
Oǧan nesın jerık äkep tyǧarsyŋdar
Sen qūsap Qosanovqa ergen joqpyn,
Osydan-aq oiymdy ūǧarsyŋdar
“Nūr Otanyŋ” “Amanat” bop kettı ǧoi dep,
Äiteuır äŋgımenı būrarsyŋdar.
Öz qazaǧyŋ emes pe sonyŋ bärı,
Qazaqty nesın orǧa jyǧarsyŋdar
Apyrai qoldaryŋa bilık berse,
Bärımızdı aiamai qyrarsyŋdar
800 myŋ müşesın “Nūr Otannyŋ”,
Şetınen halyq jauy qylarsyŋdar”, – dedı Bırjan Baituov.
Rinat Zaitovtyŋ jauaby:
”Qosanovtyŋ jaiyn aittyŋ qaita maǧan
Oǧan menıŋ maŋdaiym şertılgen joq.
Qosanov sailauda, ras, bır aldady
Odan basqa ziianyn keltırgen joq.
Senıŋ Elbasyŋ siiaqty Bırjan dosym
Altynbek, Zamanbektı öltırgen joq.
Dulat Aǧadılderdı attyrǧan joq,
Qazaqtyŋ baitaq jerın sattyrǧan joq.
Käsıpkerler bastaǧan jūmystardy
Tuystary tartyp alyp japtyrǧan joq.
Qosanov halyqty bır laqtyrǧanmen,
Nazarbaevtai otyz jyl laqtyrǧan joq…
…Qaŋtardyŋ jaiyn bılıp al naqty
Ol kezde bilık halyqty satty
Äkımdıktı de özderı jaqty,
Terezenı de özderı şaqty.
Özderı şaqty, özderı jaqty
Aiypty bıraq halyqqa taqty
Ekstremissıŋ dep, terrorissıŋ dep
Myltyqpen atty, türmege japty.
Aitatyn bolsam qaŋtardyŋ mūŋyn
Emı joq jara mäŋgılık mūnyŋ
Türmege japty, sabalap bıttı
Qazaqtyŋ qanşa qyzy men ūlyn…
…Toqaev bärın ūǧamyn dedı
“Jaŋa Qazaqstan” qūramyn dedı
Bailyqtyŋ bärın elge qaitaryp,
Qazaqty baqytty qylamyn dedı.
…Qaŋtarda men de qalada jürdım
Osynyŋ körıp közımmen bärın”, – dep jauap qatty Rinat Zaitov.
https://t.me/adyrnaportal/6052
“Adyrna” ūlttyq portaly
