Tym aktýaldy taqyrypqa aınalǵan turmystyq zorlyq-zombylyq máselesine qatysty “Adyrna” tilshisi bilikti zańger Abzal Quspannan pikir alǵan bolatyn.
Bul máselege ol:
“Sońǵy kezderi qoǵamymyzda turmystyq zorlyq-zombylyqqa qatysty neshe túrli jantúrshigerlik oqıǵalar, beıneler, ár túrli habarlar kóbeıip ketkeni sonshalyq, osyǵan qatysty ne isteýimiz kerek degen másele aktýaldy taqyrypqa aınalyp otyr. Meniń áýelgi jeke pikirim, bul jerde saldarmen kúrespesten buryn, sebebin anyqtaýymyz qajet. Negizgi sebeptiń biri retinde men - nadandyqty atap óter edim. Nadan adamnyń portretin qalyptastyrǵan kezde joǵary bilimi bar, oqyǵan, toqyǵan adam dep bilmeýimiz kerek. Ol azamat bir emes birneshe bilimi bar, oqyǵan bolýy múmkin. Biraq ol azamat óziniń ótken tarıhyn bilmeıdi, mádenıetinen beı-habar jáne bolashaǵy týraly basyn qatyrmaıdy. Áıtpese bolashaǵyn oılaıtyn adam, óziniń balalarynyń anasyn osylaı qorlaı ma? Sondyqtan nadandyqpen kúresý qaı kezde de, qaı elde de óte aktýaldy másele. Meniń usynysym, árıne dál qazirgi jaǵdaıda qylmystyq ákimshilik zańnamany qataıtý qajet te shyǵar, biraq ol máseleni túbirimen, túpkilikti sheshpeıdi. Eń birinshi kezekte biz búginnen bastap mektep tárbıesinde, tipti balabaqsha deńgeıinde tárbıe jumystaryn qolǵa alýymyz qajet. Er azamattyń otbasy aldyndaǵy jaýapkershiligi, áıel adamnyń otbasy aldyndaǵy mindeti, balanyń ata-ana aldyndaǵy jaýapkershiligi syndy dúnıeniń barlyǵy bizdiń mádenıetimizde bar. Bizdiń qıssa dastandarymyz, ertegi-jyrlarymyz bul dúnıelermen toly. Osynyń bárin balanyń sanasyna sińirý arqyly biz bul máseleden túbegeıli qutyla alamyz. Al tek zańdy qataıtý dál qazirgi jaǵdaıda belgili bir deńgeıde statıstıkaǵa áser etýi múmkin, biraq túpkilikti máseleni sheshpeıdi” dep jaýap berdi Abzal myrza.
https://t.me/adyrnaportal/6021
“Adyrna” ulttyq portaly
