Altaı Respýblıkasyndaǵy áıelder bastaǵan kúres Reseıdegi túrki halyqtaryna jalpylasqan Taýly Altaı oblysyndaǵy áıelder. Reseı Federaııasyna qarasty túrki halyqtary meken etken óńirler men respýblıkalarda alkogolızmge qarsy kúres júrgizilgenine 30 jyldyń júzi boldy. Sonyń nátıjesinde qazir Iakýtııa, Altaı Respýblıkasy, Tatarstan, Tyva jerlerinde alkogolsyz aımaqtar qalyptasqan. Reseı quramyndaǵy túrki halyqtary jasaǵan óńirlerdegi bul jaǵdaı BBC-diń nazaryn aýdarǵan.
Erkekterdi alkogolızmnen aman alyp qalý úshin, araq-sharapqa qarsy kúresti alǵash ret Altaı Respýblıkasynyń áıelderi kótergen. Málimetterge qaraǵanda, araqtan ýlanyp ólý ár 100 ólimniń 12-sin ıelegen. Mundaı qyrylýdan saqtaný úshin jergilikti turǵyndar ózderi attanysqa shyǵyp, aımaqtarda alkogoldy ishimdikterdi satýǵa tyıym salǵan. Araq-sharaptan bas tartý qozǵalysynda RF ishinde lıderlik oryn Iakýtııada. Onda 182 aımaq alkogoldy ishimdik satýdan bas tartqan. Al, alkogolge qarsy turǵan Tatarstanda 15, Tyvada 6 aımaq bar. Altaı Respýblıkasynyń Bochı jáne Kulada jerlerinde 1985 jyldan beri qaraı araq-sharapqa shekteý qoıylǵan.
Bul aımaq álemde asqar taý, quzar shyńy, qııamettiń qyl kópirindeı asa qıyn joldarymen týrısterdi ózine baýraǵan aımaq. Aıtalyq, Chıke-Taman asýy álemdegi eń qıyn 10 joldyń biri bolyp sanalady. Alaıda, týrıster bul aımaqtan alkogoldy ishimdikterdi emge de izdep taba almaıdy. Taýly Altaıda «Ishimdiksiz Altaı» eriktiler uıymy qazirge deıin alkogolızmge qarsy kúresti tabandy jalǵastyryp keledi.Estaı Bojan, “The Qazaq Times, ”Foto; VIKTOR SADCHIKOV/TASS/BBC.
