Qazaqstanda paıdalanylmaıtyn aýyl sharýashylyǵy jerlerin jappaı qaıtarý jumysy jalǵasyp jatyr, dep habarlaıdy «Adyrna» tilshisi.
«QR Aýyl sharýashylyǵy mınıstrliginiń kúshimen 2022 jyldyń 6 aıynda 904 myń ga paıdalanylmaǵan nemese zańnamany buza otyryp berilgen jer memleket paıdasyna qaıtaryldy (2021 jyly 430 myń ga qaıtaryldy). Bıylǵy jyldyń sońyna deıin taǵy 5 mln ga paıdalanylmaıtyn aýyl sharýashylyǵy jerlerin qaıtarý josparlanyp otyr»,— delingen habarlamada.
Memleket paıdasyna qaıtarylǵan jerlerdi odan ári agrarlyq sektor ókilderine tikeleı paıdalanýǵa berý úshin jergilikti atqarýshy organdar (ákimdikter arqyly) bóledi.
