7 jylǵa sottalǵan Qyzylorda oblysynyń eks- ákimi Qýanyshbek Ysqaqovtyń jaza merzimi qysqardy dep habarlaıdy "Adyrna" ulttyq portaly.
Qyzylorda qalasynyń №2 sotynyń málimdeýinshe, úkim ózgertilip, bas bostandyǵynan aıyrý merzimi alty jylǵa deıin qysqartyldy.
«Qyzylorda oblystyq sotynyń qylmystyq ister jónindegi sot alqasynyń qaýlysymen birinshi úkim ózgerissiz qaldyryldy. Joǵarǵy Sottyń qylmystyq ister jónindegi sot alqasynyń qaýlysymen jaza taǵaıyndaý bóligindegi úkim ózgertilip, bas bostandyǵynan aıyrý merzimi alty jylǵa deıin qysqartyldy. Ysqaqov sottan jazanyń ótelmegen bóligin jazanyń neǵurlym jeńil túrimen, ıaǵnı aıyppul nemese bas bostandyǵyn shekteý túrindegi jazamen aýystyrýdy surady», – delingen habarlamada.
Vedomstvoda atap ótkendeı, buryn ZK-169/5 kolonııasynyń ókili sottalǵanǵa usynylǵan minezdemeni qoldap, jazany óteý barysynda eks-ákim «belgilengen ishki tártip erejeleri men rejım talaptaryn» buzbaǵanyn naqtylady.
««Sot oǵan qatysty eki jeńildetý sharasy qoldanyldy. Jazasy joq, jeńil jaǵdaıda jazasyn ótep jatyr, dárejesi ekinshi oń, qylmyspen keltirilgen múliktik zalal, memlekettik baj, memleket kirisine proessýaldyq shyǵyndar jáne ótemaqy tolyǵymen óteldi. Jazany óteýdiń belgilengen tártibin qasaqana buzý deregi joq. Jábirlenýshiniń ókili jazanyń ótelmegen bóligin neǵurlym jeńil jazamen aýystyrý týraly ótinishke qarsy emes ekenin kórsetti. Osynyń negizinde sottalǵan Ysqaqovtyń jazanyń ótelmegen bóligin jazanyń neǵurlym jeńil túrimen aýystyrý týraly ótinishi qanaǵattandyryldy. Jazanyń ótelmegen bóligi neǵurlym jeńil jaza – 3 jyl 11 aı 12 kún merzimge bas bostandyǵyn shekteýmen aýystyryldy. Qosymsha jaza túrin óteýden bosatylmaıdy», - dep jazylǵan habarlamada.
Esterińizge sala keteıik, Qyzylorda oblysynyń burynǵy ákimi Qýanyshbek Ysqaqov 2020 jyly jeltoqsanda alaıaqtyq jasaǵany úshin kináli dep tanylyp, 7 jylǵa bas bostandyǵynan aıyrylǵan edi.
"Adyrna" ulttyq portaly
