Áskerde qaza tapqan mańǵystaýlyq Álibek Qalbaıǵa qatysty tergeý aıaqtaldy, dep jazady "Adyrna" ulttyq portaly.
«Astana» telearnasynyń habarlaýynsha, bul týraly áskerı prokýratýranyń resmı ókili málimdegen. Onymen áskerde boryshyn birge ótegen sarbaz kúdikti retinde qamaýǵa alynǵan. Sotqa deıingi tergeý kezinde kúdiktiniń kinásin dáleldeıtin materıal tolyǵymen jınaldy deıdi.
«Qatardaǵy jaýynger Qalbaıdyń qaıtys bolýy boıynsha qylmystyq istiń aıaqtalǵanyn, ıaǵnı munda qazirgi jaǵdaıda taraptar istiń qujattarymen tanysýda. Sodan keıin isti sotqa jiberetin bolamyz. Kúdikti retinde onyń áskerde birge júrgen Amanjolov ótip jatyr. Qazir ol sottyń sankııasymen qamaýda otyr. Jáne de istiń materıaldarymen tanysyp otyr», – deıdi bas áskerı prokýrordyń aǵa kómekshisi Erkin Qoja-Ahmet.
Esterińizge sala keteıik, buǵan deıin Jambyl oblysyndaǵy áskerı bólimde qaza tapqan mańǵystaýlyq sarbazdyń týystary «qylmys tolyq ashylmady» dep narazylyq bildirgen bolatyn. Degenmen, áskerı prokýratýra Álibek Qalbaıdyń óliminen soń áskerdegi jaǵdaıdy jiti nazarǵa alǵanyn jetkizdi.
