Elimizde eski nesıeler keshirilýi múmkin, dep habarlaıdy “Adyrna” ulttyq portaly.
Qarjy mınıstrligi bul aqparatty tolyǵynan túsindirip berdi.
“Habar 24” arnasynyń málimetinshe, Qazaqstannyń Bıýdjet kodeksine «Úmitsiz bereshek» túsinigin engizip, ol boıynsha kredıtordyń talaptaryn toqtatý usynyldy. Biraq «bul 90-shy jyldardaǵy ótelmegen qaryzdarmen baılanysty. Eldiń nesıe portfelin merzimi ótken bereshekten tazartý úshin jasalyp otyr.
Jobada boryshkerlerdiń quqyqtyq jaǵdaıy týraly eshqandaı aqparat joq. Ádilet mınıstrliginiń derekter bazasynda da olar týraly aqparattyń joq ekeni atap kórsetilgen.
«Osyǵan baılanysty, qoldanystaǵy bıýdjet zańnamasy aıasynda bar bereshekterdi óndirip alý, sondaı-aq olardy esepten shyǵarý boıynsha odan ári jumys júrgizý múmkin emes», – delingen habarlamada.
Qarjy mınıstrliginiń aqparatyna sensek, áńgime halyqqa berilgen nesıeler týraly emes. 90-jyldary tikeleı bızneske berilgen bıýdjettik kredıtter týraly bolyp otyr.
«Memleketten alynǵan qandaı somany esepten shyǵaratyny ázirge belgisiz. Bir anaǵy, qaryz alýshylar men rastaıtyn qujattardy izdeý jalǵasyp jatyr. Biraq jyl basynda qaryz shamamen 120 mıllıard teńge bolǵan. Al Úkimettiń talaptaryn toqtatý zańmen belgilenbegen» - dedi vedomstvonyń baspasóz qyzmeti.
“Adyrna” ulttyq portaly
