Búgin Qyzylorda qalasynda Úkimettik emes uıymdar úıiniń ashylý saltanaty ótti. Aımaq basshysynyń oblystyq Qazaqstan halqy assambleıasynyń HHIV sessııasynda bergen tapsyrmasy negizinde ashylǵan atalmysh nysan úkimettik emes uıymdar úshin resýrstyq ortalyq qyzmetin atqaratyn bolady.
Ortalyqtyń ashylý saltanatyna oblys ákimi apparatynyń basshysy Sh.Baımanov, oblystyq máslıhat hatshysy N.Baıqadamov, oblystyq Ardagerler keńesiniń tóraǵasy S.Dúısenbaev, qoǵamdyq damý basqarmasynyń basshysy M.Qazbekova, zııaly qaýym ókilderi, úkimettik emes uıymdar men BAQ ókilderi qatysty.
Bul bastama osydan eki aı buryn ÚEU-men kezdesý barysynda kóterilip, usynys aımaq basshysymen qoldaý tapty.
«Aımaǵymyzda úkimettik emes uıymdar sany jyldan-jylǵa kóbeıip keledi. Bul azamattyq sektordyń jaýapkershiligi men belsendiliginiń artqanyn kórsetedi. Táýelsizdik alǵan jyldary oblystaǵy qoǵamdyq uıymdar sany 15 bolsa, búginde olardyń qatary 1200-ge jýyqtady. Onyń 454-i óńirdiń rýhanı-mádenı, qoǵamdyq ómirine belsendi aralasyp, óz úlesterin qosyp keledi», - dedi oblys ákimi apparatynyń basshysy Sh.Baımanov.
Búgingi kúni oblystyq jáne aýdandyq ákimdikter janyndaǵy keńester men komıssııalar quramynda 100 úkimettik emes uıym ókilderi engizilgen. Óńirlik úkimettik emes uıymdarmen ózara is-qımyl jáne yntymaqtastyq jónindegi oblys ákimdigi janyndaǵy keńes turaqty jumys jasaıdy. Keńestiń quramyna memlekettik mekeme basshylary, barlyq sala boıynsha úkimettik emes uıymdar, «Azamattyq Alıans» qaýymdastyǵynyń qala jáne aýdandardaǵy ókilderi men qoǵam belsendileri engizilgen.
Paıdalanýǵa berilgen Ortalyq aımaqta azamattyq bastamalardyń damýyna, belsendi uıymdardyń sany men sapalyq quramynyń artýyna, jańa ıdeıalardyń shyǵýy jáne qoǵamdyq ómirdiń jandanýyna septigin tıgizedi. Munda úkimettik emes uıymdardyń san-salaly baǵytta jumys isteýine tolyq múmkindikter jasalǵan. Atap aıtqanda, ınternet jelisine qosylǵan kompıýterler, noýtbýkter lazerli jáne túrli-tústi prınter, keńse taýarlary jáne t.b. qamtamasyz etilgen.
Ortalyqta túrli taqyryptarda semınar-trenıngter, kezdesýler, dóńgelek ústelder, oqytý kýrstary, konferenııalar, tanymdyq sharalar ótkizý arqyly, aımaǵymyzdyń úkimettik emes uıymdary úshin múmkindikter alańyna aınaldyrý josparda bar. Osy oraıda, ortalyq jumysyn úılestirý úshin, oblystyq qoǵamdyq damý basqarmasynan arnaıy 6 mamany bólinip, uıymdarǵa ádistemelik kómekter kórsetetin bolady.
