ASTANA, 31 shilde — Sputnik. Respýblıkalyq jedel qutqarý jasaǵynyń toǵyz qutqarýshysy mingen "Qazavıaqutqarý" kásipornynyń tikushaǵy Qyrǵyzstandaǵy týrısterge járdem berý úshin attandy.
Bastapqy málimet boıynsha, Skrıabın muzdyǵynyń aýdanynda teńiz deńgeıinen 4100 metr bıiktikte týrıster taýdan qulaǵan tastar astynda qalǵan.
Qyrǵyzstan aýmaǵynda bolǵan tasqulama saldarynan Qazaqstan men Reseı týrısteri zardap shegipti.
"Zardap shekkenderdiń tórteýi – Qazaqstan azamattary. Bireýi qaza tapty. Taǵy biri aýyr hálde jatyr", — dep habarlady syrtqy ister mınıstrligi baspasóz qyzmeti.
Bolǵan oqıǵanyń mán-jaıy anyqtalyp jatyr.
