«Bolat Ábilov», «Bolat Ábilov», «Býtıa» dep jatyr ekensizder ǵoı. Men aıtaıyn, sol Býtıalaryńyz da «saý sıyrdyń boǵy emes». Ol da keshegi jabaıy jekeshelendirýdiń tusynda qazaqtyń baılyǵyn saýǵandardyń biri.
Ol da bankten qaıtarymsyz nesıe alyp esirgenderdiń eń aldynda tur. Óńirine qatarlap tizgen túımesi kóp káshimir kástóm-shalbar kıip, kommerııalyq arnalardan túspeı bazar ekonomıkasyn bar daýysymen jarnamalaǵandardyń jámıǵatynan tabylyp júrgen bul jigit kosmopolıttik býrjýazııanyń kóshin bastap bergenimen, týǵan halqynyń jaǵdaıyna asa kóp alańdaǵan emes.
Býtıanyń qolynan «dám tatqandar», «keremetke kenelgender» azyn-shoǵyn bar shyǵar, biraq ol tutas el qamqory bola alǵan joq. Eski júıeniń tusynda saıasatpen azdy-kem aınalysyp, birde kórinip, birde kórinbeı qalyp, jalpy jurtpen jasyrynbaq oınaýǵa mashyqtanǵan sol Bútekeń, ıaǵnı Bolat Ábilov aıaq astynan belsendi bolyp, osy kúnderi bılikti qaralap jazbalar jazyp, «Jańa Qazaqstandy» jerlep, janushyra áreketke kóship jatqan kórinedi. Menińshe, onyń artynda «Jańa Qazaqstanǵa» judyryǵyn túıip otyrǵan bireýler bar. Bir kúshti áleýet ıesi – kýklovod bar. Mynaý – solardyń tapsyrysyn oryndaýshy.
Býtıashylardyń biriniń sózin biri ilip alyp, qazirgi bılikti jarysa, dálelsiz aıyptaýǵa kóshýi tapsyrys oryndaýshylardy elestedi. Olar "aılamyzdy asyryp, qýlyqpenen qatyrdyq" dep oılamasyn. «Sýdyń da suraýy bar» ekenin umytpasyn! Ótirikshiniń quıryǵy bir-aq tutam degen. Ári-beriden soń, Bolat Ábilovtiń de qazyna múlkin «jekeshelendirýge» qalaı qatysqany jurttyń kóz aldynda ǵoı. Onyń qazirgi kúrt belsendiligi «qoryqqan buryn judyryqtaıdy» degenniń kerin keltirip turǵandaı.
Ábilov pen Ábilovtyń izine ergenderdiń sózine baqsaq, Qańtar oqıǵasy kezinde qarapaıym halyqtyń beıbit sherýin óz maqsatyna paıdalanyp, búlik bastap, el ishin ala taıdaı búldirýge kirisken basbuzarlardyń áreketine resmı bılik qol qýsyryp qarap tura berý kerek eken... Sonda resmı bılik ǵımarattardy qıratyp, dúnıe-múlikti tonap, jazyqsyz jandarǵa oq jaýdyrǵan sodyrlarǵa tosqaýyl qoımaýy kerek pe edi?! Joq! Memleket basshysy batyl erik-jiger tanytyp, basbuzarlardyń betin qaıtaryp, memlekettiń irgesin shaıqaltpaı saqtap qaldy. Ol – naǵyz eldik is. Memlekettiń táýelsizdigin, el bolashaǵyn, halyq qamyn oılaǵan tulǵanyń isi – bul!
Qasym-Jomart Toqaev az ýaqyt ishinde elde saıası reformalardy qarqyndy júrgizdi, jemqorlyqqa qarsy kúres ashty. Memleket múlki men qarajatyn kezinde zańsyz ıelenip alǵandardan urlanǵan, tonalǵan dúnıeni qaıtaryp ala bastady. Onyń alǵashqy tolqyny memleket qazynasyna quıylǵanyna bárimiz kýámiz. Bul is ary qaraı da jalǵasa bermek.
Sondyqtan qazirgideı qaýipti, almaǵaıyp kezde qalyń jurttyń qamyn oılaǵan Qasym - Jomart Kemelulyndaı azamatqa bir kisideı qoldaý bildirgen de ǵana bereke tabatynymyzdy bilgenimiz abzal. Óıtkeni, qazaq – bereke men birlikti qasterleıtin halyq. Atadan balaǵa mıras bolǵan sol qundylyǵylymyzdy «ustaǵannyń – qolyna, tistegenniń – aýzyna» berip qoımaýymyz kerek.
"Adyrna" ulttyq portaly
