Qańtar oqıǵasyna baılanysty qamaýda otyrǵan Qaırat Qudaıbergen Almaty qalalyq máslıhatynyń depýtaty mandatynan aıyryldy, dep habarlaıdy "Adyrna" ulttyq portaly.
Búgin Almaty qalalyq máslıhatynyń quramy ózgerip, 11 depýtat mandatyn tapsyrdy:
- Qaırat Qudaıbergen;
- Lázzat Ibragımova;
- Murat Ádilhanov;
- Esengeldi Talbıdınov;
- Qalı Sarsenbaı;
- Arman Júdebaev;
- Muhtar Zýleev;
- Raıhan Bólekbaeva;
- Ásel Qurmanbek.
- Álibek Shapenov;
- Aqbópe Ábilqasymova.
Almaty qalalyq máslıhatyna jańadan depýtat bolǵan 11 adamnyń tizimi:
- Kenjehan Matyjanov;
- Tóleýǵalı Taıtýleev;
- Sana Jandaı;
- Baqytbek Jumabaev;
- Artýr Kotenıov;
- Araılym Shamova;
- Dıana Erlan;
- Bekbol Ramazan;
- Erulan Qaraǵulov;
- Temirlan Sultanǵalıev;
- Talǵat Muhamedqalıev.
Eske salsaq, sáýirdiń 21-nen 22-ne qaraǵan túni belgili kásipker, Almaty qalasy máslıhatynyń depýtaty Qaırat Qudaıbergen qamaýǵa alyndy. Oǵan qańtarda jappaı tártipsizdikti uıymdastyrdy jáne qatysty degen aıyp taǵyldy.
Sol ýaqyttan beri qalalyq máslıhat depýtatyn qamaýda ustaý merzimi birneshe ret uzartyldy. Sońǵy ret sot qaýlysymen Qaırat Qudaıbergendi 21 shildege deıin qamaýda ustaý bultartpaý sharasy sankııalandy.
Jýyrda kásipker tergeý qapasynda qandaı jaǵdaıda otyrǵanyn aıtqan edi.
“Túrmege qaraǵanda tergeý ızolıatorynda otyrý áldeqaıda jaman. Sondyqtan ol jerde zań boıynsha 1 aı túrmedegi 1,5 aımen teń. UQK tergeý ızolıatorynda tek kameradaǵy adammen sóılesýge ruqsat. Eki adam 2h5 metrlik kamerada otyrmyz”, – dep jazady Qaırat Qudaıbergen.
