Qazaqstanda 3 mıllıon gektar jaıylym zańsyz berilgen. Bul týraly Bas prokýratýra málimdedi, - dep habarlaıdy "Adyrna" portaly.
Vedomstvonyń málimetinshe, tek sońǵy úsh jylda prokýrorlar 18 mıllıon gektar bos jáne úsh mıllıon gektar zańsyz bólingen jaıylymdyq jerlerdi anyqtap, onyń bes mıllıony memleketke qaıtarylyp, tórt mıllıon gektary aınalymǵa engizilgen.
"Jumys nátıjesi jerdi ıgerýge múmkindigi joq adamdar jerdiń jasandy tapshylyǵyn týǵyzatynyn kórsetti. Osy sebepti adal sharýalar men aýyl turǵyndary jaıylymdyq jerlerdi paıdalaný múmkindiginen aıyrylyp, aqyrynda olardyń degradaııasyna ákelip soǵady», - dep habarlady Bas prokýratýra.
Búgingi kúni elde 15 mıllıon gektarǵa jýyq qoǵamdyq jaıylymdardyń jetispeıtini anyqtaldy, bul jeke qosalqy sharýashylyqtar úshin mal jaıýda qıyndyqtar týǵyzady.
"Aǵymdaǵy jyly jaǵdaıdy jaqsartý úshin Aýyl sharýashylyǵy mınıstrligimen birlesip memleketke qosymsha bes mıllıon gektar jerdi qaıtarý josparlanýda. Bizdiń jergilikti sharalar negizinde ákimdikter memlekettik jaıylymdardy basqarý josparlaryn bekitti. Bul jaıylymdyq jerlerdi kóshirýge jol bermeıdi. Aýyldyq eldi mekender mańyndaǵy jer ýchaskeleri jeke tulǵalarǵa beriledi», - delingen vedomstvo habarlamasynda.
Eske salaıyq, sáýir aıynda Qazaqstan memleketke qaıtarylǵan paıdalanylmaı jatqan aýyl sharýashylyǵy jerlerin tórt esege ulǵaıtýdy josparlap otyrǵany habarlanǵan bolatyn.
