«Olımp» býkmekerlik keńsesiniń isine qatysty jańa málimetter shyqty, dep habarlaıdy “Adyrna” ulttyq portaly Sputnik.kz saıtyna silteme jasap.
Ekonomıkalyq resýrstardyń zańsyz shoǵyrlanýyna qarsy is-qımyl máseleleri jónindegi komıssııa qazir «Olımp» býkmekerlik keńsesiniń laýazymdy tulǵalaryna qatysty qylmystyq is aıasynda tárkilengen 5,5 mln AQSh dollary men 200 myń eýrony Ulttyq bankke aýdarý proedýrasy júrip jatqanyn málimdedi.
«Budan bólek, Qapshaǵaı qalalyq sotynyń 95 mlrd teńge shyǵyn keltirgen osy býkmekerlik keńseniń basshysy S. esimdi azamatty qonys-kolonııaǵa aýystyrý týraly 2022 jylǵy 6 maýsymdaǵy qaýlysynyń kúshin joıý týraly jeke qoldaýhat engizildi», - dep málimdedi komıssııa.
Osy is boıynsha memleket paıdasyna 3,6 mlrd teńge tárkilendi. Atap aıtqanda, 4 ushaq, 5 jer ýchaskesi, 15 avtokólik, Almaty qalasynda 30 jyljymaıtyn múlik (turǵyn úı jáne turǵyn úı emes nysandar).
«Olımp» isi
2019 jyly jeltoqsan aıynyń basynda Ulttyq qaýipsizdik komıtetiniń Almaty qalasy boıynsha departamenti Qazaqstanda «Olımp» býkmekerlik keńsesi jelisiniń qyzmeti ýaqytsha toqtatylǵanyn málimdegen bolatyn.
Tergeý málimetine súıensek, kompanııa Qazaqstan zańnamasyn buzǵan jáne ınternet-resýrstardy paıdalaný arqyly zańsyz qyzmetpen aınalysqan. Al túsken tabystan salyq tólemegen.
Keıinirek «Olımp» lıenzııany jarty jylǵa toqtata turý týraly sot sheshimine shaǵym túsirýge nıetti ekenin habarlady.
2019 jylǵy 18 jeltoqsanda Almaty prokýratýrasy «Olımp» býkmekerlik keńsesin memleketke 145 mlrd teńge tóleýge mindettedi. Sheshim qalalyq memlekettik kirister departamenti júrgizgen salyq tekserisi nátıjesi boıynsha qabyldandy.
«Olımp» býkmekerlik keńsesiniń qyzmetin tekserý jarty jylǵa sozyldy. 2020 jyldyń basynda býkmekerlik keńse stavka qabyldaýdy toqtatty.
Keıin «OlimpKZ býkmekerlik keńsesi» JShS basshylaryna halyqaralyq izdeý jarııalandy.
Basshylarǵa býkmekerlik qyzmet atyn jamylyp, zańsyz oıyn bıznesimen aınalysty, aqshany syrtqa shyǵardy jáne salyqtan jaltardy degen aıyp taǵyldy.
Artynsha OlimpKZ býkmekerlik keńsesiniń býhgalteri Chernogorııadan ekstradıııalandy.
“Adyrna” ulttyq portaly
