“Úshtik” alǵan úkimet úmitti aqtaı ma?!
«Jańa Úkimettiń jańasha jumysyn qashan kóremiz?. Aýyl sol baıaǵy tozyp barady. Bir salaǵa birneshe basshy bolsa da, bir-birine siltep, eshkim eshnárse sheshpeıdi. Sheneýnikter elmen qalaı sóılesýdi bilmeıdi. Úkimettiń áreketsizdigi sonsha, eger barlyǵyn ákimdermen qosyp birer kún basqa jaqqa áketip qalsa da, elde eshnárse ózgermeıtin jaǵdaıǵa jettik. Endeshe olardyń ne keregi bar?..
Bizge Eldiń jaǵdaıyn jaqsartatyn, halyqtyń tilinde sóılese alatyn ulttyq úkimet kerek!»
Bul bizdiń osydan týra týra tórt aı buryn, 14 naýryzda Parlamentte qańtar qyrǵynyna baılanysty tyńdaý ótkizilgende sóılegen sózimizden úzindi.
Bul keshe QR Prezıdenti Qasym-Jomart Toqaevtyń úkimettiń keńeıtilgen otyrysynda úkimettiń sybaǵasyn bergen synyn tyńdaǵanda esimizge tústi...
Premer-Mınıstr Álıhan Smaıylov Úkimettiń keńeıtilgen otyrysynda I jartyjyldyqtaǵy áleýmettik-ekonomıkalyq damý qorytyndysyn baıandady.
Jartyjyldyqta jarytymdy tirlik bolmaǵanyn QR Prezıdenti Qasym-Jomart Toqaev qolmen qoıǵandaı shegelep turyp kórsetip berdi.
“Qazir ınflıaııanyń sharyqtap ketýi eń kúrdeli másele bolyp otyr. Baǵanyń ósýine azyq-túlik ınflıaııasy áser etti. Onyń deńgeıi 19,2 paıyzǵa jetti. Jalpy, azyq-túliktiń keıbir túri birden 80 paıyzǵa qymbattady. Úkimettiń baǵany turaqtandyrýǵa baǵyttalǵan sharalary tıimsiz bolyp shyqty. Úkimet ınflıaııany eski ádis-tásilmen toqtatqysy keledi. Onyń ózinde bıýdjetten qosymsha qarajat bólip, baǵany jasandy túrde ǵana rettep otyr. Iaǵnı, qymbatshylyqtyń sebebimen emes, saldarymen kúres júrip jatyr», - dedi ol.
Prezıdent bul baǵytta jańa ıdeıalardyń joqtyǵyn synady..
«Al, shyn máninde, kerisinshe bolýy kerek. Úkimet bar jaýapkershilikti óńirlerge artyp qoıdy. Olar ákimshilik resýrsty paıdalanyp, dúkenderdi aralap júr, basqa tásilder jáne jańa ıdeıalar joq. Mundaı jumys eshqashan tıimdi bolǵan emes. Bir sózben aıtqanda, naryq zańdylyǵyna saı keletin jańa ustanym joq», - dedi Memleket basshysy.
Prezıdent Úkimettiń jartyjyldyq jumysyna «úshtik» baǵa qoıdy. Úsh mınıstrlik – QR vıe-premeri -Saýda jáne ıntegraııa mınıstri Baqyt Sultanov, Aýyl sharaýashylyǵy mınıstri Erbol Qarashókeev, Ekologııa, geologııa jáne tabıǵı resýrstar mınıstri Serikǵalı Brekeshov sógis arqalady. Bul úsh mınıstrliktiń jumysy qanaǵattandyrmaıdy degen sóz. Endeshe olar portfelderin jınaı bastaýy tıis... Jalpy, úkimettiń jumysy ońyp turmaǵany kúndelikti aıqyn kórinýde. Keshe ǵana óńirlerdi aralap kelgen depýtattardyń el aldynda ádettegideı Úkimettiń aýyr kinálaryn ózderi arqalaýyna týra kelgeni belgili... Prezıdenttiń asa mádenıetti, asqan dıplomat ekenin eskersek, bul qoıylǵan «úshtik» baǵany esh oılanbaı «ekilik» dep qabyldaı berýge bolady...
Prezıdent synynda aıtylǵan kúrdeli máselelerdi “Aq jol” frakııasy talaıdan beri kóterip kele jatyr.
Iá, bizdiń úkimette jańa dáýirge saı jańa qarqyn, jańasha jumys, eń bastysy jańa serpin joq. Serpin joq jerde senim joq!
Budan keıin «úshtikkke» zorǵa ilinip turǵan úkimetke úmit qalady ma?
Endeshe, osydan tórt aı buryn parlamentte aıtqanymyzdaı, Úkimettiń áreketsizdigi sonsha, eger barlyǵyn ákimdermen qosyp birer kún basqa jaqqa áketip qalsa da, elde eshnárse ózgermeıtin jaǵdaıǵa jettik.
Endeshe olardyń ne keregi bar?..
Qazybek ISA
