28 jastaǵy túrkistandyq Qymbat Sarybaıqyzy Raıana, Rázııa jáne Rábııa esimdi úshemdi dúnıege ákelip, alty balanyń anasy atandy. Bul týraly oblys ákiminiń baspasóz qyzmeti aıtty, habarlaıdy «Adyrna» tilshisi.
— Qazir úsh qyzdyń jaǵdaıy birqalypty. Aldaǵy ýaqytta da jaǵdaılaryn qadaǵalap, turaqty túrde baqylap otyratyn bolamyz, — dedi perınataldy ortalyqtyń bas dárigeri Gúlbaný Jumaǵalıqyzy.
Jas ana keremet sezimge bólenip, qatty qobaljyp júrgenin jetkizdi.
«Eshteńe aıta almaımyn, qatty qobaljyp júrmin. Búkil perzenthanaǵa úlken alǵys aıtamyn, dárigerleri keremet! Qudaıǵa shúkir, joldasym men enem janymda boldy. Qazir úıde búkil otbasym kútip otyr, óte qýanyshtymyn! Bolashaqta taǵy balalarym bolady dep oılaımyn»,– dedi ol.
Qala ákiminiń orynbasary Erlan Baqytjanuly kópbalaly otbasyǵa qala ákimniń quttyqtaýyn jetkizip, arnaıy syılyqtardy tabys etti.
