Budan bylaı bankke bereshegi bar qazaqstandyqtar nesıe rásimdeı almaıdy. Qasym-Jomart Toqaev "Qazaqstan Respýblıkasynyń keıbir zańnamalyq aktilerine saqtandyrý naryǵyn jáne baǵaly qaǵazdar naryǵyn retteý men damytý, bank qyzmeti máseleleri boıynsha ózgerister men tolyqtyrýlar engizý týraly" Qazaqstan Respýblıkasynyń Zańyna qol qoıdy, dep habarlaıdy Aqorda saıty.
Qabyldanǵan zańǵa sáıkes, basynda nesıesi bar qazaqstandyqtar qaıta qaryz ala almaıdy. Sondaı-aq, Nesıe bıýrosyna berilgen qaryz jaıly aqparatty jetkizý ýaqyty 15 jumys kúninen 1 jumys kúnine deıin qysqarady. Mıkrokredıt boıynsha syıaqynyń shekti mólsheri men aıypaqy kólemi shekteledi.
Mundaı qadam qazaqstandyqtardyń nesıelik júktemesin azaıtý úshin jasalynyp otyr.
Mıkrokredıttiń uıymdarǵa qaryz azamattardyń júktemesin qysqartý úshin mıkrokredıt boıynsha artyq tólemdi eki esege - mıkronesıe sommasynan 100-den 50 paıyzǵa qysqartý usynylady", - dedi QR Qarjy naryǵyn retteý jáne damytý agenttiginiń tóraıymy Mádına Ábilqasymova.
“Adyrna” ulttyq portaly
