Qapshaǵaı qalalyq soty sottalǵan Baqytbek Esentaevtyń ótinishin qarady. Belgili prodıýser Baıan Maqsatqyzynyń burynǵy kúıeýi, kásipker Baqytbek Esentaev merziminen buryn bostandyqqy shyǵady, dep habarlaıdy "Adyrna" ulttyq portaly.
Almaty oblysynyń qylmystyq ister jónindegi mamandandyrylǵan aýdanaralyq sotynyń 2016 jylǵy 3 qarashadaǵy úkimimen Esentaev kisi óltirýge oqtalý (QK 24-babynyń 3-bóligi, 99-baptyń 1-bóligi) boıynsha 9 jylǵa sottaldy. Bas bostandyǵynan aıyrý oryndarynda, jazasyn qylmystyq-atqarý mekemesinde ótedi.
Qapshaǵaı qalalyq sotynyń habarlaýynsha, Esentaev jazasyn óteý kezinde sotqa merziminen buryn shartty túrde bosatý týraly ótinish bergen.
Prokýror sottalǵan Esentaevtyń ótinishin qanaǵattandyrýdy surady. Sottalýshy men onyń qorǵaýshysy ótinishhatty tolyq qoldap, qanaǵattandyrýdy ótindi. Jábirlenýshi Alagózóva B.M. jáne onyń ókili de B.Esentaevty shartty túrde merziminen buryn bosatýǵa kelisti.
Esentaev jazasyn óteý kezinde 11 syıaqy, 1 aıyppul ótelgen, jazanyń ½ bóligin ótegen, ıaǵnı 6 jyl 1 aı 2 kún, minez-qulqynyń 3 oń dárejesi bar.
Jasalǵan qylmysynyń qoǵamdyq qaýiptiligin túsinip, istegen isine ókinedi. Sot úkimimen óndirilgen 756 269 teńge proestik shyǵyndar erikti túrde óteldi. Qapshaǵaı qalalyq sotynyń 2022 jylǵy 12 shildedegi qaýlysymen sottalǵan Esentaevtyń merziminen buryn shartty túrde bosatý týraly ótinishi qanaǵattandyryldy.
Qaýly zańdy kúshine engen joq.
Esterińizge sala keteıik, 2016 jyly Baqytbek Esentaevqa óz áıelin óltirmek boldy degen aıyp taǵylyp, 9 jylǵa sottalǵan edi.
"Adyrna" ulttyq portaly
