8 qyzdy 8 mıllıon teńgege aldap ketken feldsher jigit izdestirilýde

2876
Adyrna.kz Telegram

Jýrnalıst Gúlmıra Ábiqaı óz facebook paraqshasynda 8 qyzdy sergeldeńge salǵan alfons medıına qyzmetkeri týraly jazba jarııalady, dep habarlaıdy “Adyrna” ulttyq portaly. 

“Fotodaǵy jigittiń esimi Jalyn. Nur-sultan qalasyndaǵy aýrýhananyń birinde feldsher.
Jedel járdemmen alǵashqy medıınalyq kómek kórsetýge barǵan úıin ábden zertteıdi. Ásirese, aýyrǵan adam jalǵyzbasty kelinshek ne kúıeýge tımegen qyz bolsa tipten jaqsy. Dertimen birge jan jarasyn emdeýge tyrysyp baǵady. Ózi naýqas, qamkóńil áıeldiń asty-ústine túsip, jazylǵan soń da halin bilip aınalsoqtaıdy.

Ary qaraı ne bolady deseńiz áńgimeni jalǵyzbasty kelinshek jalǵastyrsyn:

Mánshúk jalǵyzbasty áıel. 4 jasar balasy aýyryp jedel járdem shaqyrdy. Feldsher sondaı tartymdy jigit eken balany baýrap, áıeldiń de júregine jol tabady. Kúnde habarlasyp, balanyń densaýlyǵyn surap jany qalmaıdy. Ár kún saıyn arasynda ýaqyt taýyp kelip, 2 aptada Marjanǵa sóz salyp úlgeredi.

Balasyna qamqor, ózine janashyr doktordan kim bas tartsyn, kelinshek Iá deıdi. Jigit jaqynda úılenetinin úıdegilerge aıtyp qoıǵanyn eskertedi. Odan keıin 2 kún habarsyz ketedi, ýaıymdap janyn qoıarǵa jer tappaǵan Marjan ol zvondaǵanda ne aıtsa da kelisetini belgili edi.

- Bireýdi jumysqa kirgizemin dep basym daýǵa qaldy. Ol para alyp, endi men qutqarýym kerek, shuǵyl aqsha kerek, ne istesem eken?

- Oıbýýý, ońbaǵan dese, óziń aman bolsań bopty. Qansha kerek kredıtke alaıyn.
- 1 mıllıon.

Nesıe aldy, berdi, Jalyn sodan joq boldy.
Mahabbat jaıyna qalyp, kelinshek ony izdeýge kóshedi. Úıin taýyp edi kórshileri kópten kórmegenin aıtqan.

Astanadaǵy 7-shi qalalyq emhanadaǵy basshylyǵy “Senen basqa 7 qyz kelgen aldandym dep jylap, nege aldanasyńdar, a?” dep ózine ursyp beripti.

Astanada jataqhananyń bir bólmesin jaldap, balasymen kúnin áreń kórip júrgen kelinshek endi burynǵy kredıtteriniń ústine taǵy bireýin qosty.

Meni bul jerde “qolymnan eshteńe kelmeıdi!” degen emhana basshysy tań qaldyrdy. Eger, Jalyn ár qyzdan keminde 1 mln. tg alyp taıyp tursa, ortaq somma 8 mıllıon teńge. Bul degenińiz iri kólemdegi alaıaqtyq, qylmystyq is.
Eger,jigit qyzdarmen kóshede, parkte tanyssa jóni bólek, al bul jerde qyzmetin asyra paıdalaný emes pe?

Gúlmıra ÁBIQAI

facebook paraqshasynan

Pikirler