Zeınet jasyn tómendetý zeınetaqy tólemderiniń kúrt qysqarýyna ákep soǵady - SMAIYLOV

9915
Adyrna.kz Telegram

QR Úkimetiniń basshysy Álıhan Smaıylov senator Dana Nurjigittiń áıelderdiń zeınet jasy týraly depýtattyq saýalyna jaýap joldady. 

«2018 jyldan bastap áıel adamdardyń zeınetkerlik jasy jyl saıyn 6 aıǵa artyp keledi. Osy úderis kezeń-kezeńimen 10 jylda iske asyrylady. Zeınetaqy jasyn birizdendirý bıýdjet qarajatyn únemdeý úshin emes, laıyqty zeınetaqy mólsherin qamtamasyz etý úshin engizilgen. Ózińizge belgili, qazaqstandyqtar bıýdjetten bazalyq jáne yntymaqty zeınetaqysyn alady. Yntymaqty zeınetaqy azamattardyń 1998 jylǵa deıingi 2 eńbek ótili men sońǵy 3 jyldyq tabysy negizinde eseptelinedi. Nátıjesinde jyl saıyn bul tólemniń túri kemip, jınaqtaýshy zeınetaqy úlesi ósetin bolady. Sondyqtan, zeınetaqy jasyn tómendetý zeınetaqy salymdarynyń kóleminiń kemýine jáne osy júıeden beriletin tólemderdiń de kúrt qysqarýyna alyp keledi», - dep túsindiredi Premer-Mınıstr.

«Osy ózgeristerdi esepke ala otyryp, elimizde zeınetaqy júıesiniń tıimdiligin arttyrýdyń jańa sharalary pysyqtalyp jatyr. Olardyń aıasynda:

1) zeınetaqynyń mólsherin arttyrýdy kózdeıtin zeınetaqymen qamsyzdandyrý júıesine parametrlik ózgerister engizý;

2) ınflıaııa deńgeıinen 2%-ǵa asa otyryp, yntymaqty zeınetaqy mólsherin ındeksteýdi saqtaý;

3) jumyspen qamtý mártebesine baılanysty zeınetkerlik jasqa jaqyndap qalǵan áıelder úshin jańa qoldaý sharalaryn anyqtaý. Áleýmettik jobalarǵa tarta otyryp, jumys istemeıtin áıelderdiń zeınetaqy júıesine qatysý merzimin uzartý;

4) zeınetaqymen qamsyzdandyrý júıesiniń demografııalyq trendterge jáne bıýdjet kiristerine táýeldiligin tómendetýge arnalǵan jınaqtaýdyń shartty komponentin engizý kózdelgen. Osy sharalar zeınetkerlerdiń barlyq sanattary úshin zeınetaqy tólemderiniń barabar mólsherin qamtamasyz etedi», - dep jazylǵan Álıhan Smaıylovtyń jaýabynda.

“Adyrna” ulttyq portaly

Pikirler