Áleýmettik jelide oramal taqqan jas qalyńdyq kúıeýinen máhrge baǵasy bir mıllıonǵa jýyq IPhone 13 telefon suraǵan vıdeosy qyzý talqyǵa tústi, dep habarlaıdy “Adyrna” ulttyq portaly Caravan.kz saıtyna silteme jasap.
Vıdeoda jigit moldanyń aldynda áıeline qymbat telefondy syılaýǵa ýáde bergeni kórsetilgen. Molda ýáde qansha ýaqyttan keıin oryndalatynyn surap edi, jigit seskenip úndemeı qaldy.
"Qazaqtarda endi jańa moda bastalady,tipti osy máhir taqyr úshin pálenbaı qyz hıdjabgúl bolyp ketse de tańǵalmaımyn.”Túıe sura,bıe beredi”degen qaǵıdany myqty biledi eken myna orama. Jaılap qana syzylyp,biraq nyq aıtty ǵoı shirkin. Máhr degen “pále”kele jatyr alda jigitter, qamdanyńdar, qaltalaryń tolyq bolsyn"- dedi vıdeonyń avtory.
Mahir degen ne, osy? Sony bilmedik te ǵoı, biz. Eshkim suraǵan da joq, olaı. Myna qyzdyń oramal tartyp, ımandy bolǵany ne boldy, kúıeýiniń aıfon 13 áperetin jaǵdaıy bar ma, joq pa, basyn da aýyrtpady. Onyń baǵasy arzan emes, mln-ǵa jýyq. Máhir suraý mindetti bolsa, “shyn kóńilden syılaǵan kez kelgen syılyq bolady” dep aıtýǵa bolmaı ma? Shamasy kelip tursa, áıelinen aqsha aıamasy anyq qoı. Osy jas qyzdar “ýshlyı” áıteýir", dep jazdy Lázzat Ahatova.
"Tórt əıel alamyn dep júrgenderden əıelderdiń árqaısysy bir-bir sý jańa mersedes surasyn máhrǵa. Oılap júr-aý, ońaı bolady dep", "Jurttyń aldynda óz bolashaq jaryn yńǵaısyz jaǵdaıǵa qaldyryp tur. Bul telefon ekeýiniń arasyndaǵy ǵana əńgime jərııa bolmaıtyn"- dedi jeli qoldanýshylar.
“Adyrna” ulttyq portaly
