Jýrnalıst Maqsat Tolyqbaı oń qoly joq, alaıda soǵan qaramastan taksı júrgizýshisi bolyp júrgen Aqarys esimdi azamatqa sý jańa kólik syılanǵanyn súıinshiletti, dep habarlaıdy “Adyrna” ulttyq portaly.
Súıinshi!! Alty alashtyń atynan Aqarysqa temir tulpar mingizdik. Múgedektigine mehanıka mashaqat bolǵan taksıshiniń avtomat alsam degen armanyn oryndadyq.
"kia k5" markaly mashına klıentke de, taksıge de qolaıly.
Koreıadan kelgen kúıi osy. Aqyrys Qazaqstandaǵy birinshi qojaıyny. Qutty bolsyn, ıgiligińizge minińiz!
Aıta keteıin, osyǵan birneshe kún buryn ıandeks taksıge otyrdym. Qarasam, júrgizýshiniń oń qoly joq. Rasynda mehanıka yńǵaısyz, korobka avtomat alý kerek qoı dedim. "Oǵan jaǵdaı qaıda, armanym da sol" deıdi. Qolym joq demeı, kúndiz-túni jolaýshy tasyp, bala-shaǵasyn asyrap, adal nápaqa taýyp júrgen azamat. Aqarysqa korobka avtomat kólik syılap qýantsaq qaıtedi" dep usynys tastaǵan edim, ınstagramdaǵy "Maqsattyń armııasy" qoldaı ketti. Sol úshin qara ormandaı qalyń qoldaýshy oqyrmanǵa myń alǵys!
Sonymen qatar, Dulat Tastekey ge erekshe rahmet!
Telefonmen sóılestik:
"Instagramnan vıdeońdy kórdim, qansha aqsha jınaldy?" dedi. Oqyrmandarym bir kúnniń ishinde 5 mıllıon teńgege jýyq qarjy jınap bergenin aıttym. "Beınette júrgen jigit eken, ápergen soń kóliktiń jaqsysyn syılaıyq, men óz atymnan taǵy 5 mıllıon teńge qosaıyn"dedi. Dákeń márt azamat qoı. Byltyr batysqa shóp jınaǵan Qurmet Talapqazyǵa úı áperetin kezde de jarty aqshasyn ózi kótergen edi. " Kóp túkirse kól" degen osy”,- dep jazdy ol óz facebook paraqshasynda.
“Adyrna” ulttyq portaly
