Erjan Bırjanov Qazaqstan Respublikasynyŋ qarjy vise-ministrı bolyp taǧaiyndaldy. Būl turaly Ükımettıŋ baspasöz qyzmetı mälımdedı, dep habarlaidy “Adyrna” ūlttyq portaly.
"QR Ükımetınıŋ qaulysy boiynşa, Erjan Erıkūly Bırjanov Qazaqstan Respublikasynyŋ qarjy vise-ministrı qyzmetıne taǧaiyndaldy", - delıngen habarlamada.Erjan Bırjanov 1979 jyly Soltüstık Qazaqstan oblysynda düniege kelgen. Soltüstık Qazaqstan memlekettık universitetın, Soltüstık Qazaqstan zaŋ akademiiasyn, M.Närıkbaev atyndaǧy Qazaq memlekettık zaŋ universitetın, Biznes jäne halyqaralyq zertteuler universitetın (Şveisariia) bıtırgen. Eŋbek jolyn 1999 jyly SQO boiynşa Salyq komitetınıŋ jergılıktı salyqtar sektorynyŋ aǧa salyq inspektory bolyp bastady. 1999-2004 jyldary SQO boiynşa Salyq komitetınde jūmys ıstegen. 2004-2014 jyldary QR Qarjy ministrlıgınıŋ qūrylymynda basşylyq lauazymdardy atqardy. 2014 jylǧy nauryz-qaraşa aralyǧynda – QR Prezidentı Äkımşılıgı Äleumettık-ekonomikalyq monitoring bölımınıŋ sarapşysy. 2014-2017 jyldary – QR Qarjy ministrlıgı Memlekettık kırıster komitetınıŋ Damu jäne jaŋǧyrtu departamentınıŋ direktory. 2017 jyly "Kazimpeks" respublikalyq ortalyǧy" aksionerlık qoǧamynyŋ basqarma töraǧasynyŋ orynbasary qyzmetın atqarǧan. 2017-2021 jyldary ūlttyq qauıpsızdık organdarynda qyzmet ettı. 2021 jylǧy nauryzdan bastap QR eŋbek jäne halyqty äleumettık qorǧau vise-ministrı bolǧan.
”Adyrna” ūlttyq portaly
Ūqsas jaŋalyqtar
