Qazaqstannyŋ eks-prezidentı Nūrsūltan Nazarbaev Qaŋtar qyrǧynynan keiın öz mülkın ūly Tauman Nūrsūltannyŋ atyna audarǧan. Būl turaly "Azattyq" özınıŋ jaŋa zertteuınde habarlady, dep jazady "Adyrna" ūlttyq portaly.
Nūrsūltan Nazarbaev astananyŋ bas arhitektory dep nasihattalady. Özı de sony jiı söz etedı. Prezidenttıkten ketken soŋ onyŋ esımı berılgen qalada keiıngı 20 jylda öte köp ǧimarat salyndy. Oǧan memlekettıŋ milliardtaǧan dollar qarjysy qūiyldy. Astananyŋ simvolyna ainalǧan ädemı ǧimarattarmen qatar Esıldıŋ boiynda asa qymbat kottedjder, rezidensiialar paida boldy. Onyŋ bıregeiı jäne erekşe qorǧaudaǧysy – Nazarbaevtar äuletınıŋ Jasyl aral men onyŋ ainalasyndaǧy sarailary.
Jasyl aral Esıl audany men Almaty audany şektesken tūsta ornalasqan. Aqorda men Elbasy keŋsesıne jaqyn. Aral men būl ekı ǧimaratty tıkelei jalǧaityn jol da bar. Būl jol Esıl özenınıŋ boiyndaǧy prezident saiabaǧynyŋ ışıne töselgen.2004 jyly Qazaqstan prezidentınıŋ bas rezidensiiasy – Aqordanyŋ qūrylysy aiaqtaldy. Sol uaqytta Telman yqşamaudanynda Esıldıŋ arnasy ekıge bölınıp, jasandy aral paida boldy. Oǧan Jasyl aral degen resmi atau berılgen.
Araldyŋ aumaǧy kadastr bazasyna bes uchaskege bölınıp engızılgen. Jiyny 118 341 şarşy metr, iaǧni, 12 gektarǧa juyq jer. Onda bırneşe üi ornalasqan. Jerı men saraidyŋ auqymy jönınen eŋ ülken bölıgı eks-prezident Nūrsūltan Nazarbaevqa 2007 jyly syiǧa berılgen. Būl uchastok jer kadastry jüiesınde 21-320-087-397 nömırımen tırkelgen. Jyljymaityn mülıktı eks-prezident biyl Qaŋtar oqiǧasynan keiın Tauman Nūrsūltannyŋ atyna syiǧa tartu şartymen audaryp bergen. 2000 jyldardyŋ aiaǧynda täuelsız basylymdar Nūrsūltan Nazarbaev pen onyŋ "üşınşı äielı" Äsel Qūrmanbaevanyŋ "Tauman jäne Bäiken degen ekı ūly bar" dep jazǧan. Eks-prezident sodan berı būl aqparatty rastaǧan da, terıske şyǧarǧan da joq.Jasyl aralda tennis korty, tıkūşaq qonatyn alaŋqai jäne qosalqy nysandar bar. Araldyŋ özge uchaskelerı būrynǧy prezidenttıŋ ınısı Bolat Nazarbaevtyŋ otbasyna qaraidy. Ol da Qaŋtar oqiǧasynan keiın atynda tūrǧan ülken jer telımın ūl-qyzy Nūrbol, Qūndyz Nazarbaevtarǧa ötkızıp bergen. Mülıkterdıŋ jeke menşık qūqyǧy Jannat Nazarbaeva degen adamnyŋ atyna da jazylǧan.
Nūrsūltan Nazarbaevtyŋ būl üide tūratyny häm tūrmaityny belgısız. Degenmen aumaqqa küzet qoiylǧan. Osy jurnalistık zertteu barysynda Jasyl aralǧa ötpek boldyq. Işkı ıster ministrlıgınıŋ küzet patrulı toqtatyp, operator ekeuımızdıŋ qūjatymyzdy tekserdı. Äuelı Memlekettık küzet qyzmetınıŋ ökılderı keletının eskerttı de, keiın jūmysymyzdy jalǧastyruǧa rūqsat berdı. Zaŋ boiynşa, eks-prezident Nazarbaev tūratyn üidı memlekettık küzet qyzmetı qarauyldaidy.Prezidenttıŋ ıs basqarmasy osy araldyŋ qūrylys salynbaǧan, qorşalmaǧan bölıgınen üş gektardan astam jerdı bölıp alǧan. Būl – Nūr-Sūltan qalasy jer qatynastary basqarmasy geoportalynyŋ deregı. Bölıngen jerdı rezidensiia dep atap, Is basqarmasyn qūrylys saluşy dep körsetken. Basqarma bız joldaǧan resmi saualǧa "Sız jazǧan jasandy araldaǧy jyljymaityn mülıkke Is basqarmasynyŋ qatysy joq, ol jaqtaǧy tūrǧyn üi qūrylysyna qarjy bölgen emes" dep jauap qaiyrdy.
Jasyl aral jasalyp jatqanda onymen ırgeles, özennıŋ ekınşı jaǧasyndaǧy uchaskege zäulım sarai salynyp, ainalasy bezendırılgen. Jetı jyl būrynǧy resmi qūjattarda būl aumaq Qazaqstan prezidentınıŋ "Nūra" rezidensiiasy dep atalǧan. Qazır būl jyljymaityn mülık Nazarbaevtyŋ menşıgınde.21-320-135-1753 kadastr nömırımen tırkelgen zäulım sarai eks-prezidentke "Jyljymaityn mülıktı basqaru jönındegı direksiia" kompaniiasy arqyly qaraidy. Al būl kompaniiaǧa "Elbasy" qory ielık etedı. Qordyŋ qūryltaişysy – Nūrsūltan Nazarbaev. Kölemı būdan säl kışırek qasyndaǧy ekınşı üi de "Elbasy" qoryna qaraidy. Onyŋ ırgesındegı üş gektar uchaske men sūr şatyrly üi Bäiken Nūrsūltannyŋ atynda tūr. Mülık 2017 jyly syiǧa tartu şartymen berılgen. Aitylǧan üş üidıŋ aumaǧy bırge qorşalǧan. Bärıne ortaq tıkūşaq alaŋy bar.
"Adyrna" ūlttyq portaly
