Qańtar qyrǵynynan keıin Nazarbaev óz múlkin uly Taýman Nursultannyń atyna aýdarǵan - BAQ

15135
Adyrna.kz Telegram

Qazaqstannyń eks-prezıdenti Nursultan Nazarbaev Qańtar qyrǵynynan keıin óz múlkin uly Taýman Nursultannyń atyna aýdarǵan. Bul týraly "Azattyq" óziniń jańa zertteýinde habarlady, dep jazady "Adyrna" ulttyq portaly. 

Nursultan Nazarbaev astananyń bas arhıtektory dep nasıhattalady. Ózi de sony jıi sóz etedi. Prezıdenttikten ketken soń onyń esimi berilgen qalada keıingi 20 jylda óte kóp ǵımarat salyndy. Oǵan memlekettiń mıllıardtaǵan dollar qarjysy quıyldy. Astananyń sımvolyna aınalǵan ádemi ǵımarattarmen qatar Esildiń boıynda asa qymbat kottedjder, rezıdenııalar paıda boldy. Onyń biregeıi jáne erekshe qorǵaýdaǵysy – Nazarbaevtar áýletiniń Jasyl aral men onyń aınalasyndaǵy saraılary.

Jasyl aral Esil aýdany men Almaty aýdany shektesken tusta ornalasqan. Aqorda men Elbasy keńsesine jaqyn. Aral men bul eki ǵımaratty tikeleı jalǵaıtyn jol da bar. Bul jol Esil ózeniniń boıyndaǵy prezıdent saıabaǵynyń ishine tóselgen.

2004 jyly Qazaqstan prezıdentiniń bas rezıdenııasy – Aqordanyń qurylysy aıaqtaldy. Sol ýaqytta Telman yqshamaýdanynda Esildiń arnasy ekige bólinip, jasandy aral paıda boldy. Oǵan Jasyl aral degen resmı ataý berilgen.

Araldyń aýmaǵy kadastr bazasyna bes ýchaskege bólinip engizilgen. Jıyny 118 341 sharshy metr, ıaǵnı, 12 gektarǵa jýyq jer. Onda birneshe úı ornalasqan. Jeri men saraıdyń aýqymy jóninen eń úlken bóligi eks-prezıdent Nursultan Nazarbaevqa 2007 jyly syıǵa berilgen. Bul ýchastok jer kadastry júıesinde 21-320-087-397 nómirimen tirkelgen. Jyljymaıtyn múlikti eks-prezıdent bıyl Qańtar oqıǵasynan keıin Taýman Nursultannyń atyna syıǵa tartý shartymen aýdaryp bergen. 2000 jyldardyń aıaǵynda táýelsiz basylymdar Nursultan Nazarbaev pen onyń "úshinshi áıeli" Ásel Qurmanbaevanyń "Taýman jáne Báıken degen eki uly bar" dep jazǵan. Eks-prezıdent sodan beri bul aqparatty rastaǵan da, teriske shyǵarǵan da joq.

Jasyl aralda tennıs korty, tikushaq qonatyn alańqaı jáne qosalqy nysandar bar. Araldyń ózge ýchaskeleri burynǵy prezıdenttiń inisi Bolat Nazarbaevtyń otbasyna qaraıdy. Ol da Qańtar oqıǵasynan keıin atynda turǵan úlken jer telimin ul-qyzy Nurbol, Qundyz Nazarbaevtarǵa ótkizip bergen. Múlikterdiń jeke menshik quqyǵy Jannat Nazarbaeva degen adamnyń atyna da jazylǵan.

Nursultan Nazarbaevtyń bul úıde turatyny hám turmaıtyny belgisiz. Degenmen aýmaqqa kúzet qoıylǵan. Osy jýrnalıstik zertteý barysynda Jasyl aralǵa ótpek boldyq. Ishki ister mınıstrliginiń kúzet patrýli toqtatyp, operator ekeýimizdiń qujatymyzdy tekserdi. Áýeli Memlekettik kúzet qyzmetiniń ókilderi keletinin eskertti de, keıin jumysymyzdy jalǵastyrýǵa ruqsat berdi. Zań boıynsha, eks-prezıdent Nazarbaev turatyn úıdi memlekettik kúzet qyzmeti qaraýyldaıdy.

Prezıdenttiń is basqarmasy osy araldyń qurylys salynbaǵan, qorshalmaǵan bóliginen úsh gektardan astam jerdi bólip alǵan. Bul – Nur-Sultan qalasy jer qatynastary basqarmasy geoportalynyń deregi. Bólingen jerdi rezıdenııa dep atap, Is basqarmasyn qurylys salýshy dep kórsetken. Basqarma biz joldaǵan resmı saýalǵa "Siz jazǵan jasandy araldaǵy jyljymaıtyn múlikke Is basqarmasynyń qatysy joq, ol jaqtaǵy turǵyn úı qurylysyna qarjy bólgen emes" dep jaýap qaıyrdy.

Jasyl aral jasalyp jatqanda onymen irgeles, ózenniń ekinshi jaǵasyndaǵy ýchaskege záýlim saraı salynyp, aınalasy bezendirilgen. Jeti jyl burynǵy resmı qujattarda bul aýmaq Qazaqstan prezıdentiniń "Nura" rezıdenııasy dep atalǵan. Qazir bul jyljymaıtyn múlik Nazarbaevtyń menshiginde.

21-320-135-1753 kadastr nómirimen tirkelgen záýlim saraı eks-prezıdentke "Jyljymaıtyn múlikti basqarý jónindegi dırekııa" kompanııasy arqyly qaraıdy. Al bul kompanııaǵa "Elbasy" qory ıelik etedi. Qordyń quryltaıshysy – Nursultan Nazarbaev.

Kólemi budan sál kishirek qasyndaǵy ekinshi úı de "Elbasy" qoryna qaraıdy. Onyń irgesindegi úsh gektar ýchaske men sur shatyrly úı Báıken Nursultannyń atynda tur. Múlik 2017 jyly syıǵa tartý shartymen berilgen. Aıtylǵan úsh úıdiń aýmaǵy birge qorshalǵan. Bárine ortaq tikushaq alańy bar.

"Adyrna" ulttyq portaly 

Pikirler