Nur-Sultan qalasynyń ákimdigi otshashý bolmaıtynyn málimdedi. Bul týraly "Adyrna" ulttyq portaly jazady.
"Bıyl Nur-Sultanda Astana kúnine oraı otshashý bolmaıdy. Biraq qalanyń 24 jyldyǵyna oraı konertterden bastap sporttyq festıvalderge deıin ondaǵan túrli is – sharalar ótkiziledi. Astana kúninde qalada birqatar áleýmettik nysandardyń (kezekte turǵandarǵa páter kiltterin tapsyrý), zaýyttyń, skverlerdiń, qoǵamdyq keńistikterdiń, 80-nen astam aýla aýmaqtarynyń jáne t. b. ashylýy ótedi.Sonymen qatar, osy kúnge oraı qalanyń birqatar vedomstvolyq baǵynysty uıymdary konertter, sporttyq týrnırler, kórmeler jáne t. b. uıymdastyrady", - delingen elorda ákimdiginiń resmı habarlamasynda.
Is-sharalar jospary:
1-6 shilde aralyǵynda "Atameken" etno-memorıaldyq kesheninde "Elorda peızajdary" atty art-kórme jumys isteıdi. Birikken mýzeıler dırekııasy merekege oraı birden birneshe ekspozıııa uıymdastyrady: 1-8 shilde aralyǵynda – "El tiregi – Elorda" kórmesi, 1-5 shilde aralyǵynda – "Kıeli meniń Elordam" fotokórmesi. 5 shilde kúni "Álem kartasyndaǵy jańa elorda" ashyq esik kúni ótedi.
4-6 shilde aralyǵynda Ortalyq saıabaqta "Mereke Street"qalalyq mádenıet festıvali ótedi.
5 shilde kúni saǵat 19:00-de fılarmonııanyń konert zalynda "Ázil álemi" ázil keshi uıymdastyrylady. Osy ýaqytta "Astana Opera" opera jáne balet teatry "Shopenıana" jáne "Shehrezada" kúmis dáýiriniń baletterin usynady.
5 jáne 6 shildede "Kolızeı" sport keńistiginde "Otan Ana" monýmentiniń janynda strıtboldan "Nur Sultan Cup" týrnıri uıymdastyrylady. 5-9 shilde aralyǵynda "Astana Balet" teatry "Orfeı jáne Evrıdıka" baletiniń premerasyna shaqyrady.
Astana kúni, 6 shildede saǵat 11:00-de Trıatlon parkte "Elorda Tolqyny" sporttyq jarysy bastalady. Osy ýaqytta "Qazanat" ıppodromynda shabandozdar "Elorda kýbogy" úshin báıge túrlerinen baq synaıdy. Keshke, saǵat 21:00 – de Amfıteatr sahnasynda Ulyqpan Joldasov "Aq qanat-aq qusym" baǵdarlamasymen óner kórsetedi. Saǵat 18:00-den 22: 00-ge deıin "Astana-Arena" stadıonynyń turaǵynda dástúrli Open air "Halyqpen birge" ótedi. Sol kúni keshke "Qazaqstan" OKZ "Dos-Muqasan" ansambliniń shyǵarmashylyǵyna arnalǵan "Dalam meniń" konerti uıymdastyrylady.
8 shildede Amfıteatrda "Men seni súıemin, meniń astanam" atty konerttik qoıylym ótedi. "Barys Arena" muz saraıynyń janynda 12 saǵattyq Open air "You Fest" sharasyn ótkizý 20 shildege aýystyryldy.
Aıta keteıik, Astana kúnine arnalǵan is-sharalar maýsym aıynda bastaldy. Máselen, Ermurat Úsenovtyń 70 jyldyǵyna arnalǵan "Ómir dastan" konerti, erler men áıelder arasyndaǵy bokstan "Elorda kýbogy" halyqaralyq týrnıri, kórmeler, sondaı-aq Ulttyq dombyra kúnin merekeleý uıymdastyryldy.
"Adyrna" ulttyq portaly
