"Ata-anamdy jigitim óltirdi": Pavlodarda aıýandyqpen qaza tapqan eki adamnyń ólimine qatysty tyń derek shyqty

6220
Adyrna.kz Telegram

Pavlodar oblysynda jeke úıdiń aýlasynan eki adamnyń máıiti tabyldy. Qaıǵyly oqıǵa Tereńkól aýdanynyń Beregovoe aýylynda oryn aldy, dep jazady "Adyrna" ulttyq portaly. 

Oblystyq polıııa departamentiniń málimdeýinshe, oqıǵa ornynda qajetti tergeý amaldary júrgizilip, adam óltirdi degen kúdikpen 22 jastaǵy aýyl turǵynynyń ustalǵan. 

  "3 shilde kúni saǵat 02:10-da Tereńkól aýdany, Beregovoe aýylynda jeke turǵyn úıdiń aýlasynan pyshaq jaraqaty túrinde zorlyq-zombylyq belgileri bar 46 jastaǵy úı ıesi men onyń 48 jastaǵy birge turatyn adamnyń máıitteri tabyldy. Marqumnyń kámeletke tolmaǵan uly úı-jaılardyń birinde panalaǵandyqtan zardap shekken joq", – delingen habarlamada.  

Pavlodarnews.kz habarlaýynsha, adam qolynan ajal qushqan áıeldiń qyzy, 16 jastaǵy Alınanyń aıtýynsha, bul qylmysty 3 shildege qaraǵan túni  jeti aıǵa jýyq júrgen burynǵy jigiti jasaǵan.

Boıjetkenniń aıtýynsha,  Beregovoe aýylynda burynǵy súıiktisi betin qaıtarǵan 22 jastaǵy jigit  qyzdyń anasy men ógeı ákesine pyshaqpen shabýyl jasaǵan.  Ekeýi birneshe pyshaq jaraqatynan qaıtys boldy. Boıjetken sol túni Pavlodardaǵy týystarynyń úıinde qonǵandyqtan tiri qalǵan.

– Shamamen bir aı buryn men onyń esirtki qoldanatynyn bildim, sondyqtan onymen  qarym-qatynasty toqtatýdy sheshtim. Ol qarsy boldy jáne meniń áli bul sheshimim úshin qatty ókinetinimdi aıtty, - dep eske alady Alına. - 2 shildede men Pavlodarda boldym, kolledjge túsý úshin qujattar tapsyrýǵa daıyndaldym. Túnde tátem maǵan qońyraý shalyp, shuǵyl túrde oralýym kerek ekenin aıtty. Úıde anam men ógeı ákemdi óltirip ketkenin bildim.

Qyzdyń sózinshe, týystary oǵan oqıǵanyń mán-jaıyn aıtyp bergen.

- Sol túni anam, ógeı ákem jáne meniń 13 jasar baýyrym úıde boldy. Olar túngi saǵat birge qaraı otshashýdy estip,  kóshege shyqqan. Baýyrym barǵysy kelmedi jáne úıde qaldy. Biraz ýaqyttan keıin anam úıge júgirip kelip, oǵan jasyryn dep aıtqan. Baýyrymdy qutqarýǵa tyrysyp,  kómek surap júgirgen. Ol alleıaǵa jetken kezde burynǵy jigitim ony qýyp jetken. Anam pyshaq jaraqatynan qaıtys boldy. Buǵan deıin ol anamdy qorǵaýǵa tyrysqan ógeı ákemdi de  óltirgen, - dedi Alına.

Boıjetken kúdikti ustalǵanymen jazadan qutylyp kete me dep qorqady.

- Búgin onyń anasy kelip, kómek retinde aqsha ákeldi. Ol jylap, ulynyń aýyrǵanyn aıtty. Bálkim, bul esirtkiniń áseri bolýy múmkin, biraq bul qatygezdikpen kisi óltirýdi aqtamaıdy. Anamnyń búkil denesinde pyshaq jaralary bar. Biz baýyrymyzben jalǵyz qaldyq, baı týystarymyz ben tanystarymyz joq. Erteń anam men ógeı ákemdi óltirgen adam bostandyqqa shyǵyp, bizdi de aman qaldyrmaıdy dep qorqamyn, - dedi qyz.

Ol bul isti nazardan tys qaldyrmaýdy suraıdy.

"Adyrna" ulttyq portaly

Pikirler