Ózbekstan prezıdenti Shavkat Mırzııoev tártipsizdikter oryn alǵan Núkis qalasyna baryp, Qaraqalpaqstan Joǵarǵy Keńes depýtattarymen kezdesti, dep habarlaıdy "Adyrna" derekkózge siltep.
Parlament depýtattary jáne Qaraqalpaqstan halqynyń aldynda sóz sóılegen prezıdent konstıtýııalyq zań jobasy jalpyhalyqtyq talqylaýdan ótip, keıin odan ári jetildirý úshin zań shyǵarýshy organǵa ótetinin aıtty. Tek osydan keıin ǵana joba respýblıkalyq referendýmǵa shyǵarylyp, bul saýalǵa qatysty halyqtyń erkin daýys beretinin málimdedi.
«Osydan soń Ózbekstan Respýblıkasynyń konstıtýııasyna ózgerister men tolyqtyrýlar engiziledi», – dep atap ótti Mırzııoev.
Onyń sózinshe, el halqynyń paryzy – birlik pen beıbitshilikti, turaqtylyqty saqtaý.
«Konstıtýııalyq reformanyń basty maqsaty – osy. Biz birge mindetti túrde Jańa Ózbekstan men Jańa Qaraqalpaqstandy quramyz. Osy baǵyttaǵy barlyq reformalar men talqylaýlar tek demokratııalyq jolmen iske asýy kerek», – dep qosty ol.
Sondaı-aq Ózbekstan prezıdenti Qaraqalpaqstan Respýblıkasynyń quqyqtyq mártebesi ózgerissiz qalýy kerek dep sanaıtynyn aıtty.
