Memleket basşysy Qasym-Jomart Toqaev Ūlttyq dombyra künımen qūttyqtady. Būl turaly Aqorda saity habarlady, dep jazady "Adyrna" ūlttyq portaly.
"Barşaŋyzdy Ūlttyq dombyra künımen şyn jürekten qūttyqtaimyn! Būl – elımız üşın erekşe meiram. Ony el bolyp atap ötu arqyly halqymyzdyŋ ruhyn köterıp, tanymyn arttyramyz. Sondai-aq, ūly dala dästürlerın jas ūrpaqtyŋ sanasyna sıŋırıp, töl önerımızdıŋ qūdıretın tanytamyz. Şyn mänınde, qazaqtyŋ qara dombyrasy – ūltymyzdyŋ boitūmary. Onyŋ ünı ärqaisymyzdyŋ jüregımızge jaqyn. Öitkenı, qazaq pen dombyra – bır-bırınen bölıp qarauǧa bolmaityn egız ūǧym. Akademik Ahmet Jūbanov "Dombyra – köşpelı eldıŋ köneköz şejıresı" dep beker aitpaǧan. Qasterlı aspaptyŋ qos ışegıne halqymyzdyŋ bükıl bolmysy syiyp tūr. Sonau Ketbūǧadan berı jalǧasyp kele jatqan däulesker küişılerımızdıŋ mol mūrasy – baǧa jetpes ruhani bailyǧymyz. Bız töl önerımızdı därıpteu arqyly asyl qūndylyqtarymyzdy ūlyqtai tüsemız. Qazır Jaŋa Qazaqstandy qūruǧa kırıstık, ūlttyŋ jaŋa sapasyn qalyptastyrudy qolǧa aldyq. Örkeniettı el bolu üşın jaŋa däuırdıŋ jaqsy ürdısterın boiǧa sıŋıru jetkılıksız. Sonymen bırge, saltymyzdy saqtap, eŋbekqorlyq qūndylyqtaryn keŋınen därıptep, babalar jolyn berık ūstanamyz. Endeşe, jūrtymyzben bırge dombyra da mäŋgı jasaidy. Küi önerı azattyq ruhyn ūrpaqtan ūrpaqqa jalǧastyrady. Dombyra är şaŋyraqtyŋ törınde tūrsyn! Elımızdıŋ mereiı tasyp, abyroiy asqaqtai bersın!", - dedı Qasym-Jomart Toqaev öz qūttyqtauynda.
"Adyrna" ūlttyq portaly
