Shymkenttegi ICh 167\3 túzeý mekemesiniń bastyǵy 9 jylǵa sottaldy. El «31-aımaq» ataıtyn túzeý mekemesiniń eks-basshysy sottalǵandardan para alǵany úshin bas bostandyǵynan aıyryldy, dep habarlaıdy «Adyrna» ulttyq portaly «Astana» telearnasyna silteme jasap.
Ál-Farabı aýdandyq soty tóraǵasynyń málimetinshe, Júnisbekov mekeme basshysy bola tura sottalǵan alty adamnan 4 mln teńge kóleminde para alǵan.
«Ol aýyzbastyryqty jazasyn óteýshilerdiń jazasyn jeńil jazaǵa aýystyrý, merziminen buryn shartty túrde bosatý nemese olardy jeńil mekemege aýystyrý boıynsha alǵan. Iaǵnı, tezdetip qujattardy sotqa jiberip, jaǵymdy minezdeme berip, kómektesýi úshin suraǵan, - deıdi sot tóraǵasy Erkebulan Tóleshov.
Júnisbekov jazasyn qaýipsizdigi ortasha túzeý mekemesinde óteıdi. Úkim áli zańdy kúshine engen joq.
«Alty kórinis boıynsha Júnisbekovtyń kinási tolyǵymen dáleldendi. Alaıda ol kinásin moıyndaǵan joq. Degenmen alty azamattyń jaýaby, basqa da kýágerlerdiń jaýabymen sot onyń kinási dáleldendi dep sheshim qabyldady. Jaza boıynsha búkil jeńildetetin jáne aýyrlatatyn mán-jaılardy eskere kele, sot Júnisbekovti 9 jylǵa bas bostandyǵynan aıyrý jazasyn taǵaıyndady», - dedi Ál-Farabı aýdandyq sotynyń tóraǵasy Erkebulan Tóleshov.
«Adyrna» ulttyq portaly
