Nurqadilov qaıtys bolar kúni Qurmanálige ne úshin telefon shaldy?

2475
Adyrna.kz Telegram
Foto: ashyq derekkóz
Foto: ashyq derekkóz

Belgili kompozıtor Qaldybek Qurmanáli jýrnalıst Aman Tasyǵanǵa bergen suhbatynda Zamanbek Nurqadilov qaıtys bolar kúni ózine telefon arqyly habarlasqanyn aıtty, dep habarlaıdy «Adyrna» ulttyq portaly.

"Orda.kz" saıtynyń jazýynsha, Nurqadilov Qurmanálige kitap shyǵaryp berýdi ótingen.

– Dál qazirgi prezıdentimiz batyl qadamǵa baryp jatyr. Osy sátte Nurqadilovtiń ólimi týraly aqıqat ashylýy múmkin. Shyndyq aıtylmaı qoımaıdy, shyndyqtyń kesh keletini qıyn. Talaı adamdar kórmeı ketýi múmkin. Nurqadilov qaıtys bolar kúni maǵan telefon shaldy. Zamanbek Nurqadilovtiń maǵan degen qurmeti erekshe boldy, aǵa-ini bolyp aralastyq. Maǵan keıbir qupııalaryn aıtatyn. Birde Zákeń kitap shyǵarýǵa meni úıine shaqyrdy. «Qaldybek, sen bir kitap shyǵaryp bere alasyń ba?» dedi. Jaqsy sýmma, 50 myń tıraj. Ózime 20 myń dollar qalady. Biraq táýekelge barý kerek boldy, saıası kitap. Kitaptyń ishinde úlken aıyptaýlar bar. Kitapty shyǵaratyn boldym. Úıime baryp kitapty qaradym, shashym tikireıip ketti. Sumdyq, kádimgi bomba. Birneshe adamdar atý jazasyna ketip qalýy múmkin. Bir aptada bitirip bardym. Kitap týraly usynystarymdy aıtyp bolyp edim, «áı, Qaldybek, senen osyny kútip edim» dedi. Rıza boldy. Men aqshany alýǵa kelip otyrmyn, baspa daıyn tur. Sodan Zákeń «Qaldybek, saǵan bir nárse aıtamyn, renjimeısiń be?» dedi. Renjimeıtin qylyp aıtyńyz dedim. Bul kitapty shyǵarmaýymdy surady. Senbegenińiz be, aıaǵanyńyz ba dedim. «Ekinshisi, myna kitapty shyǵararsyń. Tiri qalý-qalmaýyń ekitalaı. Sen ónerge kerek ekensiń, myna las tirlikke seni aralastyrǵym kelmeıdi» dedi. Konvert usynyp, sózinde turǵysy keletinin aıtty jáne kitapty umyt dedi, – dep eske aldy Qaldybek Qurmanáli.

Kompozıtordyń aıtýynsha, Zamanbek Nurqadilovtiń uly ákesiniń janazasyn shyǵarýǵa qarsy bolǵan.

– Almaty qalasy sotynyń qyzy uzatylatyn bolyp, sonyń úıinde otyrdym. Maqpal Júnisova telefon shaldy da: «Qaldybek, Zákeńdi óltirip ketti ǵoı» dedi. Alyp-ushyp sonda bardym, mılıııalar kelgen eken. 31 arna jýrnalısteri menen suhbat aldy. Sol jerde qala ákiminiń birinshi orynbasary Zaıa, Bostandyq aýdanynyń ákimi – Amangeldi Kárimuly jáne uly Qaırat tur eken. «Ne isteımiz?» dedi. Jazýshylar Odaǵynan nemese Áýezov teatrynan janazasyn shyǵaraıyq dedim. Men balasy Qaıratty (Nurqadilov) keshire almaımyn. «Balasy, murageri men, nege aralasyp tursyń? Janaza shyǵady, biraq qoshtasý bolmaıdy» dedi. Bókenov pen Zaıa «Qaldybek, uly qarsy bolyp tur. Sen nege búırekten sıraq shyǵarasyń?» dedi. «Qaırat, seniń boıyńda Zamanbektiń 10 paıyz bolsyn qany bar ma?» dep suradym. Qasymda turǵan kisi óz-ózin óltirgen adamǵa janaza shyǵarylmaıtynyn aıtty. Qanym basyma shapty, jaǵasyna jarmastym. Osyndaı sózdi esitidim, – dedi Qaldybek Qurmanáli.

 

«Adyrna» ulttyq portaly

Pikirler