Almatylyq turǵyn zańnan ádildik izdep júr

591
Foto: kt.kz
Foto: kt.kz

Almaty oblysynyń turǵyny ózin jol boıynda qaǵyp ketken júrgizýshiniń bir aıdan beri zańnan jaltaryp júrgenin aıtady, dep habarlaıdy  "Adyrna" ulttyq portaly.

"Dalanews.kz" saıtynyń jazýynsha,  Almaty oblysy Gúldala aýylynyń turǵyny Tazagúl Jámeshova bir aıdan beri ekinshi toptaǵy múgedek. Tańǵy saǵat jetide Almaty-Kókpek-Kóktal tas jolynda jaıaý júrginshilerge arnalǵan jolaqtan ótip bara jatqan Tazagúldi «Chevrolet Aveo» jeńil kóligi qaǵyp ketedi. Alaıda kólik júrgizýshisi jaýapkershilikten jaltaryp, zań aldynda jaýap bermegen. Al jábirlenýshiniń jazǵan aryzyn jaýapty organdar eskerýsiz qaldyrǵan. Almaty turǵyny quqyq qorǵaý organdarynyń zańdy belshesinen basyp otyrǵanyn aıtady.

Tazagúldiń inisi Almazdyń aıtýynsha, bul oqıǵa 2021 jyly 10 qazanda bolǵan.

"Tańerteńgi ýaqytta ápkemdi jaıaý júrginshiler jolaǵynan ótip bara jatqan jerinen jeńil kólik qaǵyp ketti. Ápkem 8 metr jerge ushyp túsken. Qatty soqqydan sol jaq ıyǵy, omyrtqasy, jambasy, baltyr súıegi syndy. Segiz aı boıy tósekten tura almaı jatty. Qazir ekinshi toptaǵy múgedek. Túnde uıqydan, kúndiz kúlkiden aıyryldy. Janyna tek aýrýdy basatyn dári ǵana járdem beredi",  deıdi Almaz.

Tazagúl Jámeshovany qaqqan kólik ishinde eki er adam bolǵan. Kólik oqıǵasy bolǵan kezde júrgizýshiniń janynda otyrǵan jigit syrtqa shyǵyp, qatty soqqydan jol shetine ushyp túsken áıeldiń basyn kóterip: «Táte, biz sizdi qaǵyp kettik», – degen. Oqıǵa ornyna jedel-járdem kelip, Tazagúldi tez arada Talǵar aýdanynyń aýrýhanasyna jetkizedi.

"Men ápkemdi qaǵyp ketken kezde, dereý sol jerge bardym. Kólik júrgizýshisi keshirim surap, barlyq jaýapkershilikti óz moınyna alatynyn, ápkemniń emine kómektesetin aıtty. Basqa túskenge kónesiń, adamgershilikke salyp, aryz jazbaı-aq, qoıaıyn dedim. Biraq, júrgizýshiniń adamshylyǵy bolmaı shyqty. Ápkemniń em-domyna kómektespek túgili, qalyn suraýǵa jaraǵan joq", – deıdi Almaz.

Almaz bir kúnnen keıin Talǵar aýdany polıııasyna aryz túsiredi. Polıııa «bári zertteledi» dep, aryzdy alyp qalady.

«Aryz jazǵannan keıin polıııaǵa habarlasyp turdyq. Olar is qaralyp jatqanyn aıtyp júrdi. Osy kezde ápkemdi qaqqan kólik júrgizýshisi bizge: «Jazǵan aryzyńdy qaıtaryp al, áıtpese ózińe jaman bolady», – dep qoqan-loqy kórsete bastady. Meniń ekinshi ápkemniń jumysyna 5-6 er adam baryp qorqytyp ketken. Úsh aı ótkennen keıin polıııaǵa barǵanymyzda, istiń baıaǵyda jabylyp qalǵanyn aıtty. Biz ań-tań boldyq. Jaýapty organ bizge tipti, bul týraly eskertken de joq», – deıdi jábirlenýshiniń inisi Almaz.

Almaz taǵy da aryz jazady. Advokat jaldaıdy. Biraq, sotqa deıingi tergep-tekserý organdary áli kúnge deıin isti sozyp, sotqa jibermeı otyr.

"Talǵar aýdany polıııa tergeýshisi kólik júrgizýshiniń «meniń kinám joq» degen sózin ǵana aıǵaq etip otyr. Onyń jaıaý júrginshiler jolyna jaqyndaǵanda saǵatyna 60 km júrýi tıis ekenine, baǵdarshamdy elemegenine nazar aýdaryp otyrǵan joq. Eń soraqysy, polıııa meniń ápkemdi jaıaý júrginshiler jolaǵynan emes, odan 30 metr qashyqtyqta, ótýge bolmaıtyn jerden ótken, kóliktiń astyna ózi túsken etip qorytyndy shyǵaryp otyr. Ápkemdi qaǵyp ketken kezde, onyń basyn ustap jylaǵan er bala júrgizýshiniń baldyzy. Maǵan ony júrgizýshiniń áıeli óz aýzymen aıtqan bolatyn. Biraq, polıııa ol jigittiń ornyna kýágerdi almastyryp, jazyqty taraptyń paıdasyna sheship otyr. Odan qala bere, oqıǵa ornyna jetken jedel-járdemnen eshqandaı túsinikteme almaǵan. Al, kólik oqıǵasy bolǵan jerdiń kartasy tek júrgizýshiniń aıtqanymen syzyldy. Júrgizýshi ápkemdi qaǵyp ketkennen keıin ekinshi kúni-aq, quqyq qorǵaý organdary tarapynan «arestke» alynǵan kóligin jóndeýden ótkizip, emin-erkin minip aldy. Bul zańsyzdyqtyń qalaı iske asqanyna tergeýshi jaýap bergen joq. Tek júrgizýshiniń jaǵyna shyǵyp, bizdiń aryz-shaǵymymyzdy qulaǵyna ilmedi", – deıdi zańnan ádildik izdegen Almaz.

Onyń aıtýynsha, Tazagúl Jámeshovany qaǵyp ketken kólik júrgizýshisiniń zań organdarynda isteıtin "týysy" bar kórinedi. Quqyq qorǵaý organdarynyń isti sonsha sozbalaqtaǵanyna qaraǵanda, "týystyqtyń" bir sebi tıip turǵanyna kúmán qalmaıdy.

"Isti ashýdan góri "jaýyp tastaýǵa" qumar quqyq qorǵaýshy organdardy kórgende, kókeıge "Ádiletti Qazaqstanǵa jetý úshin áli qansha jyldy sarp etemiz?" degen suraq keledi", – deıdi arasha izdegen Almaz myrza.

 

"Adyrna" ulttyq portaly

Pikirler
Redakııa tańdaýy