QR Parlamenti Májilisiniń depýtaty Iýlııa Kýchınskaıa Oqý-aǵartý mınıstrliginiń muǵalimderge birneshe mıllıard teńge qaryz ekenin málimdedi, dep habarlaıdy «Adyrna» tilshisi.
Aıtýynsha, pedagogtardyń bir bóligi mamyr aıynyń jalaqysyn áli almaǵan. Al eńbek demalysy men saýyqtyrý járdemaqysy boıynsha bereshek 30 mıllıard teńgeni qurap otyr.
«Pandemııadan keıingi kúrdeli oqý jylyn aıaqtaǵan soń 300 myńǵa jýyq muǵalim demalysqa shyqty. Biraq keıbir muǵalim demalysyn durys ótkize almady jáne otbasylyq josparlaryn belgisiz merzimge keıinge qaldyrýǵa májbúr boldy. Buǵan sizdiń vedomstvonyń bıýdjetti josparlaý máselelerine nemquraıly qaraýy sebep boldy»,– dedi ol.
Osylaısha depýtat mınıstrden bul máselelerdi qysqa merzimdi sheshýdi talap etti.
