Túrkistan oblysynda 8 jasar qyzdy ógeı ákesi zorlaǵan. Dárigerler balanyń ómirin aman saqtap qalý úshin, onyń jatyryn alyp tastaýǵa májbúr bolypty, dep habarlaıdy «Adyrna» tilshisi «Astana» arnasyna silteme jasap.
Qyzdyń anasy sumdyq jaǵdaıdyń 23-shi aqpan kúni bolǵanyn málimdedi. Onyń aýrýhanaǵa ketken sátin paıdalanǵan kúıeýi kórshi aýyldaǵy baǵyp júrgen malyn tastap, úıge jetken kórinedi. Osylaısha 3-synypta oqıtyn qyzdy zorlaǵan. Keıin kóp qan joǵaltqan kishkentaı qyzdy mektepke jibergen.
«Bastapqyda «qulap qaldy» dep syltaýratqanmen, artynsha keshirim surap moıyndady. Endi «esimdi bilmeımin» dep basqasha sóılep otyr. Mamańa aıtsań, seni tunshyqtyryp óltiremin, mamańdy óltiremin de, ózińdi balalar úıine ótkizip jiberemin dep qorqytqan. Áli kúnge deıin shoshyp oıanady. Qyzymnyń ana bolý múmkindiginen aırylǵanyn jaqynda ǵana sotta estidim»,– deıdi zardap shegýshiniń anasy.
Aıtýynsha, 8 jasar qyzǵa eki ret operaııa jasalǵan. Tik ishegin birneshe jerden tikken dárigerler aqyry jatyryn alyp tastaýǵa májbúr bolǵan.
Shymkenttegi arnaıy ortalyq dırektory Malıka Júsipova órimdeı qyzdardyń ómirin talqandaıtyn jaǵdaı tym jıilep ketkenin aıtady. Pedofılderge beriletin jazany qataıtý kerek dep dabyl qaǵyp otyr.
«Bul degen sumdyq jaǵdaı ǵoı. Ómirlik sottalý kerek. Ol aýrý ǵoı, aýrý qaıtalanady. 20 jylǵa sottaldy degen, ol pedofılızmge az ýaqyt», - deıdi ortalyq dırektory Malıka Júsipova.
8 jasar Áselmen qazir psıholog mamandar jumys istep jatyr. Ázirge bolashaǵyna balta shabylǵanyn qyzym bilmeıdi, erteń boıjetkende taǵdyry qalaı bolady dep eńireıdi sharasyz ana. Úshinshi synypty úzdik aıaqtaǵan Áseldiń armany kóp-aq...
