Elorda aýmaǵynda “Qarasora – 2022” respýblıkalyq jedel aldyn alý is-sharasy aıasynda asa iri kólemde esirtki jetkizýmen jáne ótkizýmen aınalysatyn adamdardy ustaý boıynsha arnaıy operaııa júrgizildi, dep habarlaıdy «Adyrna» tilshisi Polisia.kz-ke silteme jasap.
Esirtkini ótkizý arnasynyń jolyn kesýge baǵyttalǵan jedel-izdestirý is-sharalaryn júrgizý kezinde Petrov kóshesinde elordanyń 50 jastaǵy turǵyny ustaldy. Áıel adamnyń jeke zattaryn tintý barysynda sómkesinen salmaǵy 400 gramm bolatyn satýǵa daıyndalǵan “gashısh” jáne “marıhýana” esirtki zattary tabyldy. Odan keıin páterdi tintý barysynda onyń 47 jastaǵy kúıeýi ustaldy. Ol óz erkimen balkonda saqtalǵan 10 kelige jýyq “gashısh” jáne 1,5 kelige jýyq “marıhýana” esirtki zattaryn berdi.
Sonymen qatar Botaly kóshesiniń boıynda esirtki satýǵa qatysy bar otbasylyq juptyń sybaılasy, 25 jastaǵy er adam ustaldy. Ony jeke tintý jáne avtokóligin tintý barysynda “marıhýana” esirtki zaty tárkilengen. Tárkilengen esirtkiniń jalpy salmaǵy 11 kılogramnan asty.
Atalǵan fakti boıynsha QR QK-niń 297-baby 3-bóligi “Esirtki zattardy, psıhotroptyq zattardy, sol tektesterdi ótkizý maqsatynda zańsyz daıyndaý, qaıta óńdeý, satyp alý, saqtaý, tasymaldaý, jóneltý nemese ótkizý” boıynsha sotqa deıingi tergeý júrgizilýde.
