Aqyn Baltabek Nurǵalıev Qasym-Jomartt Toqaevqa jańa óleń joldaryn arnady, dep habarlaıdy «Adyrna» tilshisi.
«Aıtpaıyq eshqashanda qyńyr paıym,
Aıtaıyq árqashanda sulý paıym.
Kemeńger Qasym-Jomart Kemeluly,
Bastaǵan Ulytaýdyń quryltaıyn!
Dál keldi quryltaımen kúnim týǵan,
Osy kún ómirimde umytylman.
Men aıtsam týǵan kúngi armanymdy,
Oryndar Prezıdentim Uly Tulǵam!
Halyqtyń tileginen tabaıyn baq,
Bıliktiń qaq tórine baraıyn naq.
Qoldasa myna meni Prezıdentim,
Depýtat Parlamentke taǵaıyndap!
Men Jańa Qazaqstanǵa sálem dedim,
Halqyma adaldyqty dáleldedim.
Bul Jańa Qazaqstannyń ornaýyna,
Meniń de mol úlesim, bar eńbegim!»– deıdi ol.
Buǵan deıin aqyn Nursultan Nazarbaevqa birneshe márte arnaý jazǵan edi.
