Belgili jýrnalıst Maqsat Tolyqbaı «Barys» hokkeı klýbynyń oıynshylary joǵary jalaqy alatynyn málimdedi, dep habarlaıdy «Adyrna» tilshisi.
Aıtýynsha, komandany «Samuryq Qazyna» qory qarjylandyrady.
«Qymbatshylyq qysyp, eldiń ekonomıkasy turalap turǵanda «Barys» hokkeı klýby oıynshylarymen «erekshe» kelisimshart jasasyp jatyr. «Samuryq Qazyna» qory Úkimetke qaraıdy. Iaǵnı, ondaǵy qarjynyń suraýy bolýy kerek!
Másele mynada. «Barys» Nıkıta Mıhaılıs degen oıynshyǵa jylyna 401 mıllıon teńge tóleımiz dep sheshim qabyldapty. Ótken aptada áriptester bul máseleni kóterdi. «Barys» ta, «Samuryq Qazyna» da únsiz. Bul azdaı, endi Lındeı Veı degen sheteldik oıynshyǵa bir jyldyq shart usynyp, qazirgi (rýbl – teńge ) kýrsymen 481 mıllıon teńge jalaqy tólemekshi.
Aınalaıyndar-aý, aıyna 40 mıllıon teńge jalaqy usynatyndaı, ol qyrýar qarjyny demeýshi óz qaltasynan shyǵaryp otyr ma?
Kásibı klýbtardy qarjylandyrýdy toqtatý kerek! Odan da ol aqsha buqaralyq sportty damytýǵa jumsalsyn»,— dedi ol.
