Depýtat Amanjan Jamalov mınıstrler kabınetiniń azyq-túlik baǵasyn tejeýge qatysty júrgizip jatqan sharalaryn synǵa aldy. Bul týraly ol parlament palatalarynyń birlesken otyrysynda aıtty, dep habarlaıdy «Adyrna» tilshisi.
Májilismen ınflıaııa máselesine toqtala kele, elimizde halyqtyń áleýmettik osal toptaryn qoldaýdyń maqsatty sharalary qajet ekenin atap ótti.
«Úkimet baǵanyń ósýin tejeý úshin revolverlik dep atalatyn júıeni, basqasha aıtqanda, saýda jelilerin jeńildikpen nesıeleýdi qoldanady. Oǵan 81 mıllıard teńge jumsaldy. Taǵy 16,8 mıllıard teńge turaqtandyrý qorlaryn qalyptastyrýǵa jumsaldy. Bul soma 100 mlrd teńgege jýyq bolyp tur. Biraq eshqandaı nátıje joq. Baǵa ósti. Bul aqshany saýda jelilerine emes, halyqqa tikeleı taratqan durys. Bizde 1 mıllıonǵa jýyq kedeı adam bar, baǵanyń ósýinen olar eń kóp zardap shegip otyr, – dedi depýtat.
